Ɛksadɔso 2:14 - AHYERƐLƐ KRONGRON

¹⁴ Na obuale kyɛ, “Nwa yeɛ ɔyɛle wɔ yɛ so panyi ne ndɛenbualɛniɛ ɔ? Ɛpena kyɛ eku me kyɛbɔ ehuni Misraimniɛ ne anaa?” Yiti edwirɛ ne mane Mose surole, na ɔhane ye ye ti anu kyɛ, “Eh, edwirɛ ne afite amba!”

Ɛksadɔso 2:14 Iomraidhean Croise

Gyenesise 13:8

Na Abram sele Lɔto kyɛ, “Mesrɛ wɔ, nnɛma aporowaa biala ba me ne wɔ afia, ɔne wɔ ngaka neafoɛ ne me ngaka neafoɛ afia, ofikyɛ yɛbɔ abusua.

Gyenesise 19:9

Nakoso besele ye kyɛ, “Dwɔso berɛ kɔ dɔ!” Na besa bɛhane kyɛ, “Sɔ akoaa he te amanvraniɛ yeɛ waatena wa ɔ, nakoso wayɛ ye nwo ndɛenbualɛniɛ! Bɔ yɛkɔfa yɛkɔyɔ wɔ ne, ɔkɔtra bɛ deɛ ne!” Afei bɛhɔle Lɔto so, na bɛhɔle anoa ne anwo kyɛ bɛkwaatu ye bo.

Gyenesise 34:27

Yakob mma mmienzua nemɔ fitele awufoɛ nemɔ aso ne, bɛfene kuro ne anu nningyein, ofikyɛ Sɛkem agua b’eliɛma brasua ne anwo fiɛ.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Luka 12:14

Na Yesu buale ye kyɛ, “Ngyabiaa, nwa yeɛ ɔfale me sili ndɛenbualɛniɛ anaa kyɛfoɛ wɔ ɛmɔ so ɔ?”

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Asomafoɛ 7:35

“Sɔ Mose he bɔ Yisraelfoɛ pole ye na besele ye kyɛ, ‘Nwa yeɛ ɔfale wɔ sili yɛ so panyi ne ndɛenbualɛniɛ?’ nen, ye komapɛ ne ala yeɛ Nyameɛ somane ye kyɛ, ɔfa abɔfo bɔ ɔyele ye nwo ali hyirele ye wɔ ngyɛkyerɛ ne anu so na ɔɔyɛ bɛ so panyi ne defoɛ ɔ.

Hebrifoɛ 11:27

Ɔnate gyidie so yeɛ Mose tu fili Misraim bɔ wanzuro ɛhene ne yaafɛlɛ ɔ, na ogyinane pindinn kyɛ sona bɔ ye nye tua Ɛdangama Nyameɛ bɔ bennwu ye ne.