Ɛksadɔso 19:9 - AHYERƐLƐ KRONGRON

⁹ Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 19:9 Iomraidhean Croise

1 Ahemvo 8:12

Afei Solomon bɔle mbaeɛ kyɛ, “AWURADE, ahã kyɛ ɛkɔtena awosii kabii nu.

2 Aberɛso Dwirɛ 20:20

Koɛhonɛfoɛ nemɔ dwɔsole ngyerɛmɔ tutuutu bɛhɔle Tekoa ɛserɛ ne aso. Bɛkɔ ne, Yehosafate dwɔsole sele kyɛ, “Yuda ne Yerusalemfoɛ, ɛ́mɔtie me! Ɛ́mɔle AWURADE ɛmɔ Nyameɛ ne beli, na okoyie ɛmɔ yé. Ɛ́mɔle ye ngɔmhyɛlɛfoɛ ne beli.”

2 Aberɛso Dwirɛ 6:1

Afei Solomon bɔle mbaeɛ kyɛ, “AWURADE, ahã kyɛ ɛkɔtena awosii kabii nu.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Edwein 99:7

Odwudwo hyirele bɛ fili munungum ningɔnn ne anu. Belili ye noa dwirɛ ne nhyehyɛleɛ bɔ ɔfa mane bɛ ne aso.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 20:21

Mmenia ne gyinane dedeede, nakoso Mose de opingyele awosii kabii bɔ né Nyameɛ wɔ nu ne.

Ɛksadɔso 34:5

Na AWURADE dwu wale ase wɔ munungum nu oogyinane ye nwo berɛ, na ɔbɔle ye bɔbɔ ye dumaa YAHWE (AWURADE) ne.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Ɛksadɔso 4:5

Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Yesaya 7:9

Efraim ahenguro ole Samaria, yeɛ Remalia awa ne yeɛ ɔla Samaria noa ɔ. Na sɛ ɛmɔanne banni a, nahorɛ nu, ɛmɔngɔhora ɛmɔ gya nu gyina.”

Numeri 12:5

AWURADE nate munungum ningɔnn nu dwu wale ase, na oogyinane ɛtena sua ne anoa nu berɛ. Ɔfrɛle Aarɔn ne Miriam, na bɛ munyɔ bɛwale anyunu.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Deuteronomi 4:10

kyɛbɔ daa bie ɛmɔgyinane AWURADE ɛmɔ Nyameɛ nyunu wɔ Horebo, bɔ AWURADE sele me kyɛ, ‘Boaboa mmenia ne noa ma me, ná nga me noa nu dwirɛ ngyire bɛ, amaa ɔnate so basua kyɛ bekosuro me wɔ mmerɛ biala bɔ bɛte ase ɔ, ná bafa bahyirehyire bɛ mma mɔ.’

Deuteronomi 4:36

Ɔmaa ɛtele ye komvi fili nyameɛso, kyɛ ɔ́fa tengyɛtengyɛ wɔ. Na aseɛ ye aso koso, ɔmaa enwuni ye see pirikua ne, na ɛtele ye dwudwolɛ fili see ne anu.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.