Ɛksadɔso 19:4 - AHYERƐLƐ KRONGRON

⁴ Ɛmɔ bɔbɔ ɛmɔanwu bɔ mva nyɔle Misraimfoɛ ɔ, ɔne kyɛbɔ nnodole ɛmɔ wɔ kɔleɛ ndaa so, ná mvale ɛmɔ mmale me berɛ ɔ.

Ɛksadɔso 19:4 Iomraidhean Croise

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Hagae 2:5

Na kyɛbɔ me ne ɛmɔ yɛyɛle apam wɔ mmerɛ bɔ ɛmɔfili Misraim bɛwale ne, sɔ ala yeɛ me Sunzum te ɛmɔ nu ɔ, yiti nnɛma ɛmɔsuro.

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Deuteronomi 1:30

Na AWURADE ɛmɔ Nyameɛ bɔ oli ɛmɔ nyunu ne, ye bɔbɔ ɔkɔho kɔma ɛmɔ, kyɛbɔ ɔho mane ɛmɔ wɔ Misraim bɔ ɛmɔ nye tua ne.

Deuteronomi 1:31

Ɛserɛ ne aso koso ɛmɔnwuni kyɛbɔ AWURADE ɛmɔ Nyameɛ dodole ɛmɔ, kyɛbɔ sona dodo ɔwa ɔ, wɔ atee biala bɔ ɛmɔfale so kɔpem kyɛ ɛmɔɔdwuli wa ɔ.

Deuteronomi 29:1

Apam bɔ AWURADE hyɛle Mose kyɛ ɔne Yisraelfoɛ bɛ́yɛ wɔ Moabo aseɛ so, ná ɔ́fa boka apam bɔ ɔne bɛ yɛle wɔ Horebo ne, nu dwirɛ ɛhe:

Deuteronomi 29:2

Mose mane Yisraelfoɛ amukoraati beyiale, na osele bɛ kyɛ, “Nikyee biala bɔ AWURADE fa yɔle Faro, ye mbanyi mukoraati, ɔne ye aseɛ amukoraati wɔ Misraim aseɛ so ne, ɛmɔ nye tua;

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Yosua 23:3

Ɛmɔ bɔbɔ bɛ nye tua nikyee biala bɔ ɔnate ɛmɔ ti AWURADE ɛmɔ Nyameɛ wafa wayɔ sɔ maen hemɔ amukoraa ɔ, ofikyɛ AWURADE ɛmɔ Nyameɛ ne, ye yeɛ ɔho mane ɛmɔ ɔ.

Nyekyire 12:14

Nakoso bɛmane braa ne kɔleɛ pirikua bie ndaa nyɔ, kyɛ ɔfa tu fi ewoo ne nyunu hɔ ɛserɛ so, wɔ ye atenaleɛ, nekaa bɔ bɛkɔnea ye mmerɛ ne mmerɛ ne mmerɛ bue ne.