Ɛksadɔso 19:22 - AHYERƐLƐ KRONGRON

²² Asɔfo mɔ po bɔ bɛba AWURADE nyunu ne, maa bɛte bɛ nwo, ná AWURADE andete bɛ nu pasapasa.”

Ɛksadɔso 19:22 Iomraidhean Croise

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

2 Aberɛso Dwirɛ 30:15

Bosome bɔ ɔtɔ so nyɔ ne, ye kyẽa bɔ ɔtɔ so buru ne nna ne aso, behuni Abɔtra boaen ne. Asɔfo nemɔ ne Lewifoɛ nemɔ bɛfɛrele. Yiti bɛpetene bɛ nwo, na bɛfale naen yeralɛ afɔleɛ bɛwale AWURADE awuro berɛ.

2 Aberɛso Dwirɛ 30:3

(Bangora banni aluolue ne wɔ mmerɛ bɔ ɔsɛ kyɛ bedi ɔ, ofikyɛ né asɔfo nemɔ bɛ nu somaa bennya bɛppetene bɛ nwo, yeɛ afei mmenia ne, né bennya beyyiale wɔ Yerusalem).

Ɛksadɔso 19:24

Na AWURADE sele ye kyɛ, “Dwu kɔ aseɛnwo dɔ, ná ɛne Aarɔn bɛfo bɛbra. Nakoso asɔfo nemɔ ne mmenia ne de, nnɛmaa bɛtra ɛwɛen ne bɛfo bɛba AWURADE berɛ, ná wamvɛ bɛ so yaa.”

Ɛksadɔso 19:5

Na afei de, sɛ ɛmɔkoli me dwirɛ so, ná ɛmɔali m’apam ne aso a, ye de, ɛmɔkɔyɛ me bɔbɔ deinn me deɛ wɔ mmenia mukoraati nu, ofikyɛ aseɛ mukoraati te me deɛ.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Numeri 11:18

Na se mmenia ne kyɛ, ‘Ɛ́mɔyɛ ɛmɔ nwo krongron bɛfa bɛnwondɛ ɛhema, na ɛmɔkoli naen; ofikyɛ ɛmɔasu maa AWURADE ate, bɔ ɛmɔnwa: ‘Yɛpena naen yɛdi! Amba yɛwɔ Misraim ne po, né ɔte paa ma yɛ.’ Yiti AWURADE kɔma ɛmɔ naen ma ɛmɔkoli.

Asomafoɛ 5:10

Na berɛ ne ala, ɔpɛ fini ye nyunu berɛ wuli. Na mmerandeɛ nemɔ besa bɛwale ne, benwuni kyɛ ye koso wawu; yiti bɛmane ye so bɛhɔle, na besiele ye ohu ne nwo berɛ.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.