Ɛksadɔso 19:18 - AHYERƐLƐ KRONGRON

¹⁸ Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Ɛksadɔso 19:18 Iomraidhean Croise

Gyenesise 11:5

AWURADE dwu wale ase ɔɔneane kuro ne abandenden bɔ né mmenia mmaa bési ne.

Gyenesise 15:17

Mmerɛ bɔ eyia tɔle ná awosii wale nen, mvum nu, foonoo bɔ otu nwosina, ɔne see bɔ ogye wuronyiwuronyi wale bɛɛfale naen bue bue nemɔ afia.

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

Nehemia 9:13

Edwu wale Sinai bokaa ne aso, na ɛne bɛ dwudwole fili nyameɛso, na ɛmane bɛ tenenee nhyehyɛleɛ, mmeraa turoloo, yeɛ ahyɛdeɛ ne mmeraa dwirɛ bɔ ɔte paa ɔ.

Edwein 104:32

Ɔto ye nye nea aseɛ a, aseɛ woso, ná ɔte ye sa kã mmokaa a, betu nwosina ɔ!

Edwein 114:4

Mmokaa nemɔ huruhuruli kyɛ mmoaen nyii, pambaa nemɔ huruhuruli kyɛ mmoaen mmaa.

Edwein 114:7

Ao aseɛ, ma wɔ nwo wosowoso wɔ wɔ AWURADE nyunu, ma wɔ nwo wosowoso wɔ wɔ Yakob Nyameɛ nyunu,

Edwein 144:5

Ao AWURADE, wɔ ewienu ne, bobɔ ná dwu bra ase; fa wɔ sa kã mmokaa maa betu nwosina.

Edwein 18:9

Ɔmoamoane ewienu, na odwuli ase, na né awosii kabii wɔ ye gya bo.

Edwein 68:9

Ao Nyameɛ, ɛmane esue tɔle pee guale nekaa biala; ɛfa siesiele w’agyapadeɛ mmerɛ bɔ ɔyɛle basaa ne.

Edwein 77:18

Bɛtele w’agralaa ne nga wɔ mvrama bɔ ɔpɛ ye nwo ɔ nu; w’agralaa tale wiase hyireinn, na aseɛ wosole gigigigi.

Edwein 77:19

W’atimbire la ɛpo nu, w’atee la asue mbiri mɔ nu, nakoso bennwu wɔ gya boso.

Ɛksadɔso 19:13

Nnɛma ebiala fa ye sa ka sɔ sona ne; bɛkɔboro ye nyɔboɛ anaa bɛkɔto agyaen bɛkɔwɔ ye. Kaka oo, sona oo, ɔsɛ kyɛ beku ye.’ Na sɛ behu totorobɛndo ne anu tendetende a, ye de ɔsɛ kyɛ bɛfo bokaa ne aso.”

Ɛksadɔso 19:17

Afei Mose fale mmenia ne fili asikyeleɛ berɛ fitele kyɛ bɛkwaayia Nyameɛ; na beegyinagyinane bokaa ne nye abo berɛ.

Ɛksadɔso 20:18

Na mmenia ne amukoraa nwuni agralaa bɔ né ɔ́tete, ɔne bokaa bɔ né ótu nwosina ne, ná besa bɛtele agralaa bɔ né ɔ́bobɔ nu ne, ɔne totorobɛndo hulɛ nen, ɛserɛ mane bɛ nwo wosowosole bɛ, na beegyinane dedeede.

Ɛksadɔso 24:17

Na Yisraelfoɛ nwuni AWURADE animnyam ne kyɛ see bɔ ogye wuronyiwuronyi wɔ bokaa ne ti afia.

Ɛksadɔso 3:2

Na AWURADE abɔfo yele ye nwo ali hyirele ye wɔ ngyɛkyerɛ bie bɔ né ogye wuronyiwuronyi nu. Mose neane, edwirɛ nwanwa, onwuni kyɛ ngyɛkyerɛ ne ogye de, nakoso né ɔnyera.

Ɛksadɔso 34:2

Boaboa wɔ nwo ngyerɛmɔ, ná fo bra Sinai bokaa ne aso ngyerɛmɔ, ná nwondɛ me berɛ wɔ bokaa ne ti afia.

Yesaya 6:4

Bɛ komvi bɔ bɛfa bɛteane nu ne, ɔmane anoa nemɔ bɛ nyinasoɛ ne wosole, na nwosina yili sua ne anu tɛkyɛ.

Yesaya 64:1

O, sɛ ahaa ekosunzua ewienu nu ná ekodwu ase maa mmokaa kopusu wɔ wɔ nyunu a!

Yeremia 4:24

Ndole me nye nneane mmokaa nemɔ aso, na yieee, né bɛwosowoso; na né pambaa nemɔ bɛpo biribiri.

Habakuku 3:6

Ɔte gyinane, na ɔwosole aseɛ. Ɔtole ye nye neane, na ɔbɔle maen maen mɔ sandene; mmokaa bɔ bɛwɔ berɛ afebɔɔ ne, bedwiri beguale, na daa tete pambaa nemɔ, bɛbɔle bɛ nu ase. Ye atee mɔ wɔ berɛ afebɔɔ.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Mateo 24:7

Na maen kodwɔso kotia maen, ahennie kodwɔso kotia ahennie, yeɛ ɛhɔen ne [anwonyerɛ] ne aseɛwosolɛ kɔwa nekaa ahoroɔ.

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

Deuteronomi 4:36

Ɔmaa ɛtele ye komvi fili nyameɛso, kyɛ ɔ́fa tengyɛtengyɛ wɔ. Na aseɛ ye aso koso, ɔmaa enwuni ye see pirikua ne, na ɛtele ye dwudwolɛ fili see ne anu.

Deuteronomi 5:22

Sɔ dwirɛ hemɔ, AWURADE fale komviɛ piri dwudwo hyirele ɛmɔ maen ye amukoraa wɔ see ne anu, wɔ munungum ne anu, ɔne awosii kabii ne anu wɔ bokaa ne aso; na wamva edwirɛ biala wammoka so. Ɔhyerɛle bɛ guale nyɔboɛ taataa nyɔ so yeɛ ɔfa mane me ɔ.

Deuteronomi 5:4

AWURADE gyinane ɛmɔ nyunu dwudwo hyirele ɛmɔ fili see ne anu wɔ bokaa ne aso.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Hebrifoɛ 12:18

Nna bokaa bɔ bɛfa bɛ sa bɛkã ye ne anwo yeɛ ɛmɔawa ɔ: bokaa bɔ né ogye see ne, nekaa bɔ né awosii kabii ne munungum ne mvrama piri wɔ ne,

Hebrifoɛ 12:26

Ye yeɛ sɔ mmerɛ ne ye komvi mane aseɛ wosole ɔ, nakoso kekesaala ye de wahyɛ bɔ kyɛ, “Nna aseɛ angome yeɛ mebaawoso ye bieku ɔ, na anwuro koso boka so.”

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

Nyekyire 15:8

Na nwosina bɔ ofi Nyameɛ animnyam nu ɔne ye tumi nu ne, ɔyɛle asɔneyɛɛ sua ne anu munguu, na ebiala angora anwura asɔneyɛɛ sua ne anu kɔpem kyɛ abɔfo nzoo nemɔ bɛ hawo ne bo pɛle ɔ.

Nyekyire 9:2

Obukyele aseɛ bo dɔ kumaa kuronguronn ne noa, na nwosina bɔ ɔte kyɛ foonoo piri nu nwosina fili kumaa ne anu wale, na ɔnate nwosina ne ati, eyia ne ewienu yɛle kabii.

Maenbulɛfoɛ 5:5

Mmokaa wosole serɛserɛ wɔ AWURADE Sinai Nyameɛ ne nyunu, bɛwosole wɔ AWURADE Yisrael Nyameɛ nyunu.