Ɛksadɔso 19:16 - AHYERƐLƐ KRONGRON

¹⁶ Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 19:16 Iomraidhean Croise

2 Samuel 22:10

Ɔmoamoane ewienu, na odwuli ase, na né awosii kabii wɔ ye gya bo.

2 Aberɛso Dwirɛ 5:14

Na ɔnate munungum ne ati, asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili Nyameɛ awuro berɛ tɛkyɛ.

YOB NWOMAA NE 38:25

“Atee bɔ esue fa so ɔtɔ gua ase titititi ne, ɔne atee bɔ agralaa ɔfa so bɔ nu kurudududu ne, nwa yeɛ ɔpakyele tole berɛ ɔ,

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 77:18

Bɛtele w’agralaa ne nga wɔ mvrama bɔ ɔpɛ ye nwo ɔ nu; w’agralaa tale wiase hyireinn, na aseɛ wosole gigigigi.

Edwein 81:8

Me maen, ɛ́mɔtie maa ndu ɛmɔ foɛ. Ao Yisrael, sɛ ahaa ekotie me dwirɛ a!

Edwein 97:4

Ye agralaa ta wiase; aseɛ nwu ye, na ye nwo wosowoso.

Ɛksadɔso 19:11

ná bɛboaboa bɛ nwo besie ɛhema si, ofikyɛ AWURADE kodwu kɔwa Sinai bokaa ne aso ɛhema si, bɔ mmenia ne amukoraa bɛ nye tua ɔ.

Ɛksadɔso 19:15

Na osele mmenia ne kyɛ, “Ɛ́mɔboaboa bɛ nwo bésie ɛhema si, nnɛma ɛmɔfa bɛ nwo bɛka brasua.”

Ɛksadɔso 19:17

Afei Mose fale mmenia ne fili asikyeleɛ berɛ fitele kyɛ bɛkwaayia Nyameɛ; na beegyinagyinane bokaa ne nye abo berɛ.

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 20:18

Na mmenia ne amukoraa nwuni agralaa bɔ né ɔ́tete, ɔne bokaa bɔ né ótu nwosina ne, ná besa bɛtele agralaa bɔ né ɔ́bobɔ nu ne, ɔne totorobɛndo hulɛ nen, ɛserɛ mane bɛ nwo wosowosole bɛ, na beegyinane dedeede.

Ɛksadɔso 20:21

Mmenia ne gyinane dedeede, nakoso Mose de opingyele awosii kabii bɔ né Nyameɛ wɔ nu ne.

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Ɛksadɔso 9:23

Yiti Mose pagyale ye pɔmaa ne hyirele anwuro, AWURADE mane anwuro bɔle nu kurudududu, ɔtɔle asukɔtwea nyɔboɛ guale, na agralaa tetele fili anwuro wale ase. Na AWURADE tɔle asukɔtwea nyɔboɛ guale Misraim aseɛ so

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Deuteronomi 5:5

Na sɔ mmerɛ ne, me de ngyinane AWURADE ne ɛmɔ afia, kyɛ méka AWURADE noa dwirɛ mékyire ɛmɔ; ofikyɛ né ɔnate see ne ati ɛmɔsuro, na ɛmɔamvo bangɔ bokaa ne aso. Na ɔhane kyɛ,

Hebrifoɛ 12:21

Na bɔ osili berɛ ne, kyɛbɔ ye suronyi si te ne ati, ɔmaa Mose hane kyɛ, “Mesuro, na me nwo wosowoso me.”

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.