Ɛksadɔso 19:13 - AHYERƐLƐ KRONGRON

¹³ Nnɛma ebiala fa ye sa ka sɔ sona ne; bɛkɔboro ye nyɔboɛ anaa bɛkɔto agyaen bɛkɔwɔ ye. Kaka oo, sona oo, ɔsɛ kyɛ beku ye.’ Na sɛ behu totorobɛndo ne anu tendetende a, ye de ɔsɛ kyɛ bɛfo bokaa ne aso.”

Ɛksadɔso 19:13 Iomraidhean Croise

Ɛksadɔso 19:14

Yiti Mose fili bokaa ne aso dwu hɔle mmenia nemɔ anwo berɛ, ɔpetene bɛ nwo, na bɛpole bɛ nwo nningyein.

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 19:17

Afei Mose fale mmenia ne fili asikyeleɛ berɛ fitele kyɛ bɛkwaayia Nyameɛ; na beegyinagyinane bokaa ne nye abo berɛ.

Ɛksadɔso 19:19

Na mmerɛ bɔ totorobɛndo hulɛ ne noa yɛle se nen, Mose dwudwole, na Nyameɛ buale ye wɔ agralaa nu

Ɛksadɔso 34:3

Nnɛfa sona biala boka wɔ nwo so ɛne ye bɛfo bɛba; ɔnzɛ kyɛ benwu sona biala wɔ bokaa ne anwo nekaa biala; yeɛ nnɛma mmoaen anaa nandwie biala kɔ adidie wɔ bokaa ne nyunu.”

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

Hebrifoɛ 12:20

Ɔnate kyɛ bangora Nyameɛ ahyɛdeɛ ne noa gyina. Ɔnwa, “Sɛ kaka po fa ye nwo kã bokaa ne a bɛboro ye nyɔboɛ (behũ ye).”

Maenbulɛfoɛ 20:37

Yisraelfoɛ bɔ baatetɛ ne, bɛbɔle twi bɛhɔle Gibea. Na bele ngrandɛ behuhuni kuro berɛ ama amukoraati.