Ɛksadɔso 19:10 - AHYERƐLƐ KRONGRON

¹⁰ Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Ɛksadɔso 19:10 Iomraidhean Croise

Gyenesise 35:2

Yiti Yakob sele ye awuro ama ne bɛ bɔ bɛboka ye so amu kyɛ, “Ɛ́mɔgyi Amaenmaensofoɛ nyameɛ mɔ bɔ bɛwɔ ɛmɔ nwo ne begua, ɛ́mɔpete ɛmɔ nwo, na ɛ́mɔsesã ɛmɔ ndaadeɛ.

2 Samuel 19:24

Sɔɔlo anomaa Mefibosɛte hɔle ooyiale Nana Dawide. Né wayakyi ye gya boen maa wafu, wama ye kanza afu funyaenn, na ye ndaadeɛ koso né ɔppole, fite kyẽa bɔ Nana Dawide fili Yerusalem maa oodwuli kyẽa bɔ osa wale asomdwee nu ɔ.

2 Aberɛso Dwirɛ 29:34

Nakoso ɔnate kyɛ asɔfo nemɔ banzo ne ati, né bɛngora naen yeralɛ afɔleɛ ngaka nemɔ bia. Ɔnate sɔ ne ati, kɔpem kyɛ asɔfo nemɔ ngaa ne bɛpetene bɛ nwo ne, b’eliɛma Lewifoɛ nemɔ ne, bɛbokale kɔpem kyɛ beyiele adwuma ne ɔ. Ofikyɛ né Lewifoɛ nemɔ bɛ nwo te tra asɔfo nemɔ.

2 Aberɛso Dwirɛ 29:5

Na osele bɛ kyɛ, “Lewifoɛ, ɛ́mɔtie me! Ɛ́mɔpete ɛmɔ anwo, ɛ́mɔpete AWURADE ɛmɔ nana mɔ Nyameɛ awuro ne anwo, ná ɛ́mɔyeye akyiwadeɛ nningyein ne béfi nekaa krongron berɛ.

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 15:5

Na ebiala bɔ ye nwo kɔha ye bɛen ne, odi kyɛ ɔpo ye nwo nningyein, ná ɔ́fa nzue bia, na ɔkɔyɛ sona bɔ ye nwo ɔnde ɔ maa okoodwu nɔsoa.

Numeri 11:18

Na se mmenia ne kyɛ, ‘Ɛ́mɔyɛ ɛmɔ nwo krongron bɛfa bɛnwondɛ ɛhema, na ɛmɔkoli naen; ofikyɛ ɛmɔasu maa AWURADE ate, bɔ ɛmɔnwa: ‘Yɛpena naen yɛdi! Amba yɛwɔ Misraim ne po, né ɔte paa ma yɛ.’ Yiti AWURADE kɔma ɛmɔ naen ma ɛmɔkoli.

Numeri 19:19

Ye ɛlɛsa ne aso, ɔne ɛlɛsoo ne aso, odi kyɛ sona bɔ ye nwo te ne fa nzue ne bie pete bɛ bɔ bɛ nwo agua fiɛ nemɔ aso, ná ɔnate so ɔte bɛ nwo ɛlɛsoo ne aso. Afei odi kyɛ bɛpo bɛ ndaadeɛ ná bɛfa nzue bebia, na ye nɔsoa ne bɛ nwo kɔte.

Numeri 31:23

yeɛ nikyee biala bɔ bɛfa see bɛka ye a onhuro ne, ɛ́mɔfa see bɛ́te ye nwo, na ye nwo kofi. Nakoso odi kyɛ ɛmɔfa anwotelɛ nzue koso bɛte ye nwo. Na nikyee biala bɔ bɛfa see bɛka ye a ohuro ne, odi kyɛ ɛmɔfa bewura nzue ne anu.

Numeri 31:24

Ye ɛlɛsoo ne aso, odi kyɛ ɛmɔpo ɛmɔ nwo nningyein, amaa ɛmɔ nwo afi. Ye si ye, ɛmɔkora bɛba asikyeleɛ ne anu.”

Numeri 8:21

Lewifoɛ mɔ petene bɛ nwo, na bɛpole bɛ nwo nningyein. Afei Aarɔn fale bɛ yɛle ɛnwahanɛ afɔleɛ wɔ AWURADE nyunu, na Aarɔn patale mane bɛ fa tele bɛ nwo.

Numeri 8:7

Ɛhe yeɛ odi kyɛ ɛyɔ ná ɛfa te bɛ nwo ɔ: Fa nzue bɔ bɛfa bɛte bɛ nwo ne pete bɛ nwo. Maa bɛfa dɛmaa bɛpoa bɛ nwo nwiaa amukoraa ná bɛpo bɛ nwo nningyein, amaa ɔnate so bɛ nwo ate.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Yosua 3:5

Afei Yosua sele mmenia ne kyɛ, “Ɛ́mɔpete ɛmɔ nwo, ofikyɛ ɛhema AWURADE kɔyɔ anwanwadeɛ wɔ ɛmɔ nu.”

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

1 Samuel 16:5

Na obuale kyɛ, “Bɔkɔɔ. Mawa kyɛ mebaabɔ afɔleɛ mema AWURADE. Ɛ́mɔpete ɛmɔ nwo ná ɛ́mɔma yɛhɔ afɔleɛ ne abo.” Ɔpetene Yese ne ye mma nemɔ anwo, na osele bɛ kyɛ bɛbra afɔleɛ ne abo.