Ɛksadɔso 19:1 - AHYERƐLƐ KRONGRON

¹ Yisraelfoɛ tuli bɛ bo befili Misraim aseɛ so ne, ye bosome bɔ ɔtɔ so nza ne anu, kyẽa bɔ oli moa ne yeɛ bedwuli Sinai ɛserɛ ne aso ɔ.

Ɛksadɔso 19:1 Iomraidhean Croise

Ɛksadɔso 12:2

“Bosome he yeɛ ɔkɔyɛ ɛmɔ bosome bɔ oli moa ɔ; ɔkɔyɛ afoɛ ne anu bosome bɔ oli moa kɔma ɛmɔ.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 12:6

Ɛ́mɔfa ye bésie toonn ma odwu bosome he anu kyẽa bɔ ɔtɔ so buru ne nna ne, na afei Yisrael maen ne amukoraa behũhũ bɛ mmoaen ne nɔsoa.

Ɛksadɔso 16:1

Yisraelfoɛ tuli bɛ bo befili Elim, na Yisrael ɛlɔen ne amukoraa wale Sin ɛserɛ bɔ ɔla Elim ne Sinai b’afia ne aso. Betu befili Misraim aseɛ so ne, bosome bɔ ɔtɔ so nyɔ ne anu, kyẽa bɔ ɔtɔ so buru ne nnu ne aso yeɛ bedwuli Sin ɛserɛ ne aso ɔ.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 40:2

“Kyẽa bɔ oli moa wɔ bosome bɔ oli moa ne anu ne, si nyianu ɛtena sua ne.

Hesekiel 20:10

Yiti nyele bɛ mvili Misraim aseɛ so, na mvale bɛ male ɛserɛ ne aso.

Numeri 1:1

Yisraelfoɛ tu fili Misraim aseɛ so ne asi, ye afoɛ bɔ ɔtɔ so nyɔ ne anu, bosome bɔ ɔtɔ so nyɔ, ye kyẽa bɔ oli moa ne, AWURADE sele Mose wɔ ɛtena sua atenaleɛ ne anu wɔ Sinai ɛserɛ ne aso kyɛ,

Numeri 10:12

Afei Yisraelfoɛ sili nu kure kure fili Sinai ɛserɛ ne aso, na munungum ne oogyinane Paran ɛserɛ ne aso.

Numeri 3:14

Na AWURADE sele Mose wɔ Sinai ɛserɛ ne aso kyɛ,

Numeri 33:15

Betuli bɛ bo befili Refidim, na bɛɛkyekyele asikyeleɛ wɔ Sinai ɛserɛ ne aso.

Deuteronomi 1:6

“AWURADE yɛ Nyameɛ ha hyirele yɛ wɔ Horebo kyɛ, ‘Ɛmɔatena bokaa he anwo wa bahyɛ.

Deuteronomi 4:10

kyɛbɔ daa bie ɛmɔgyinane AWURADE ɛmɔ Nyameɛ nyunu wɔ Horebo, bɔ AWURADE sele me kyɛ, ‘Boaboa mmenia ne noa ma me, ná nga me noa nu dwirɛ ngyire bɛ, amaa ɔnate so basua kyɛ bekosuro me wɔ mmerɛ biala bɔ bɛte ase ɔ, ná bafa bahyirehyire bɛ mma mɔ.’

Deuteronomi 4:15

“Kyẽa bɔ AWURADE dwudwo hyirele ɛmɔ fili see ne anu wɔ Horebo nen, ɛmɔannwu AWURADE, yiti ɛmɔnea ɛmɔ nwo yé paa,

Deuteronomi 5:2

AWURADE yɛ Nyameɛ ne yɛ yɛle apam wɔ Horebo.