Ɛksadɔso 18:9 - AHYERƐLƐ KRONGRON

⁹ Na paa mukoraati bɔ AWURADE ayɔ ama Yisrael, kyɛ wale bɛ wafi Misraimfoɛ sa nu ne, ɔyɛle Yɛtro fɛ.

Ɛksadɔso 18:9 Iomraidhean Croise

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yesaya 66:10

“Ɛmɔ amukoraa bɔ ɛmɔkuro Yerusalem dwirɛ ɔ, odi kyɛ ɛmɔ ne ye bɛ nye kã, ná ɛmɔ ne ye bedi ahurusi; ɛmɔ amukoraa bɔ ɛmɔdi ye nwo aworabɔlɛ ɔ, ɛmɔ ne ye beli ahurusi;

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

1 Samuel 15:6

Na Sɔɔlo sele Kenifoɛ kyɛ, “Ɛmɔhɔ! Ɛ́mɔfi Amalɛkefoɛ mɔ nu bɛ́nwati bɛ́hɔ, ná mangu ɛmɔ mamvra bɛ. Ɔnate kyɛ, mmerɛ bɔ né Yisraelfoɛ befi Misraim bɛ́ba ne, ɛmɔyɔle bɛ mukoraa paa.” Yiti Kenifoɛ fili Amalɛkefoɛ nu bɛnwati bɛhɔle.