Ɛksadɔso 18:7 - AHYERƐLƐ KRONGRON

⁷ Yiti Mose fitele ooyiale ye sia bienzua ne, obuli ndwerɛ wɔ ye nyunu, na afei ɔtɔle ye nu. Bebisabisale kyɛbɔ ebiala aporɛ nu si te ɔ, na bɛɛworole ɛtena sua nu.

Ɛksadɔso 18:7 Iomraidhean Croise

Gyenesise 14:17

Mmerɛ bɔ Abram lili Kedolaoma ne ye mmango hene mɔ so ngonim na osa ba ne, Sodom hene ooyiale ye wɔ Sawe bɔnza (bɔ bɛfrɛ ye Ɛhene bɔnza) ne anu.

Gyenesise 18:2

Ɔmane ye nye so, na onwuni kyɛ mmienzua nza bie gyigyi ye nyunu moa dɔ. Onwuni bɛ nen, ofili ɛtena sua ne anoa nu berɛ otuli amirika ooyiale bɛ, na ɔkotole bɛ,

Gyenesise 19:1

Abɔfo nyɔ ne beedwuli Sodom nɔsoa; na né Lɔto te Sodom kuro ne tiwaa. Mmerɛ bɔ Lɔto nwuni bɛ nen, odwɔsole ooyiale bɛ, na ɔfale ye nyunu butuli berɛ.

Gyenesise 29:13

Laban tele ye awosea Yakob nga nen, ole amirika ooyiale ye, ɔtɔle ye nu, na ɔfele ye noa, na ɔfale ye wale ye awuro. Yakob fale edwirɛ ne amukoraa bɔle Laban amaneɛ,

Gyenesise 31:28

Na nzu ati yeɛ amma mamve me nnomaa ne me mma mɔ noa, na me ne bɛ yanni ngraa ɔ? Ali ngwaseasɛm!

Gyenesise 43:26

Yosef wale awuro nen, bɛfale akyɛdeɛ bɔ bɛ ne ye wale ne bɛmane ye wɔ awuro berɛ, na bɛbɔle bɛ nu ase bɛkotole ye.

Gyenesise 45:15

Na ɔfele oliɛma nemɔ amukoraa bɛ noa, na ɔtotɔle bɛ nu suni. Ye si ye, oliɛma nemɔ ne ye belili ngɔmɔ.

Gyenesise 46:29

Yosef siesiele ye teaseɛnam na ɔfole ooyiale ye baba Yisrael wɔ Gosen. Ɔfale ye nwo hyirele ɔse; ɔtɔle ye nu, na ɔfale ye ti tole ye kɔme anwo suni hyɛle paa.

2 Samuel 11:7

Yuria oodwuli Dawide berɛ ne, Dawide bisale ye kyɛbɔ Yoabo ne koɛhonɛfoɛ nemɔ bɛ nwo si te ɔ, ɔne kyɛbɔ koɛ ne osi kɔ ɔ.

1 Ahemvo 2:19

Yiti Bahyeba hɔle Nana Solomon berɛ kyɛ ɔkwaafa Adoniya dwirɛ ne to ye nyunu. Nana Solomon dwɔsole ooyiale Bahyeba, na ɔbɔle ye nu ase mane Bahyeba. Afei Solomon tenane ye ahennie bia so, na ɔmaa bɛfale ahennie bia bɛbrɛle ye maame maa ɔtenane ye sa famaa so.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Ɛksadɔso 18:6

Na ɔmaa bɛɛbɔle Mose amaneɛ kyɛ, “Me, Yɛtro bɔ nde wɔ sia bienzua, me ne ɛye ne ye mma mmienzua nyɔ ne yɛ́ba wɔ berɛ.”

Ɛksadɔso 33:7

Né Mose taa fa ɛtena sua ne okosi ye wɔ asikyeleɛ ne asi dɔ nziɛ nziɛ, na ɔfrɛle ye ɛtena sua atenaleɛ nu. Na sona biala bɔ né ɔpena kyɛ ɔfa ye dwirɛ to AWURADE nyunu ne, ɔyɛ a ɔkɔ ɛtena sua atenaleɛ nu berɛ, bɔ ɔwɔ asikyeleɛ ne asi dɔ ne.

Ɛksadɔso 4:27

AWURADE sele Aarɔn kyɛ, “Kɔ ɛserɛ so dɔ koyia Mose.” Yiti ɔhɔle, oyiale ye wɔ Nyameɛ bokaa ne anwo, na ɔfele ye noa.

Numeri 22:36

Balake tele kyɛ Balaam awa ne, ooyiale ye wɔ Moabo kuro Yiri, bɔ ɔwɔ Anɔn ɛwɛen so, ɛwɛen ne anoa dɔ paa ne.

Luka 7:45

Amve me noa, nakoso ye de, ofi mmerɛ bɔ mmale wa ye, ɔyyakyili me gya nwo felɛ.

Asomafoɛ 20:37

Na bɛ mukoraa bɛfale esuɛ bɛtotɔle ye nu bɛ ne ye lili ngraa;

Asomafoɛ 28:15

Rome agyidifoɛ tele yɛ nga nen, bɛwale tonn beeyiale yɛ wɔ Apeɔse dwaanu ɔne nekaa bie bɔ bɛfrɛ ye Ɛwɔfoɛ Sua Nza nu. Na Pɔɔlo nwuni bɛ ne, ɔlale Nyameɛ ase, na ɔmaa ye ahone tɔle ye kunu.

Maenbulɛfoɛ 11:34

Afei Yɛfeta sa wale ye awuro wɔ Misepa. Na edwirɛ nwanwa! Ɔwa brasua ne le akasaa ne abilie fitele kyɛ ɔbaayia ye! Né odi ye bahorɛ. Né olle baa bienzua anaa baa brasua ko boka ye so.

1 Samuel 17:18

Na nandwie nyɔfonesue bɔ babɔ ye kunguma buru he koso, fa kɔma bɛ safohene bɔ ɔla koɛhonɛfoɛ apee ko noa ne. Nea kyɛbɔ eliɛma nemɔ bɛ nwo si te ɔ, ná fa bɛ nwo nikyee bie baahyire me maa nwu kyɛ bɛte ase.”

1 Samuel 17:22

Dawide yakyili ye nningyein ne mane sona bɔ ɔnea nningyein so ne, na otuli amirika hɔle koɛhonɛfoɛ nemɔ nwo dɔ oobisale oliɛma nemɔ kyɛbɔ bɛ nwo si te ɔ.