Ɛksadɔso 18:5 - AHYERƐLƐ KRONGRON

⁵ Na Yɛtro, bɔ ɔte Mose sia bienzua ne, ɔfale Mose mma mmienzua nyɔ ne, ɔne Mose aye ne wale Mose berɛ wɔ ɛserɛ ne aso, nekaa bɔ né wasi asikyeleɛ ne, wɔ Nyameɛ bokaa ne anwo.

Ɛksadɔso 18:5 Iomraidhean Croise

1 Ahemvo 19:8

Elia dwɔsole, odidili none nzue, na anwoserɛ bɔ onyane wɔ aleɛ ne anu ne, ɔfa natele eyia ne kɔngɔen sɔ alaa eleburanna, hɔle Nyameɛ bokaa Horebo so.

Ɛksadɔso 18:6

Na ɔmaa bɛɛbɔle Mose amaneɛ kyɛ, “Me, Yɛtro bɔ nde wɔ sia bienzua, me ne ɛye ne ye mma mmienzua nyɔ ne yɛ́ba wɔ berɛ.”

Ɛksadɔso 19:11

ná bɛboaboa bɛ nwo besie ɛhema si, ofikyɛ AWURADE kodwu kɔwa Sinai bokaa ne aso ɛhema si, bɔ mmenia ne amukoraa bɛ nye tua ɔ.

Ɛksadɔso 19:2

Betuli bɛ bo befili Refidim nen, beedwuli Sinai ɛserɛ ne aso, na bɛkyekyele asikyeleɛ wɔ berɛ; na Yisrael kyekyele asikyeleɛ wɔ bokaa ne nyunu.

Ɛksadɔso 19:20

Na AWURADE dwu wale Sinai bokaa ne aso, wɔ bokaa ne ti afia. AWURADE frɛle Mose kyɛ ɔbra bokaa ne ti afia, na Mose fo hɔle.

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 4:27

AWURADE sele Aarɔn kyɛ, “Kɔ ɛserɛ so dɔ koyia Mose.” Yiti ɔhɔle, oyiale ye wɔ Nyameɛ bokaa ne anwo, na ɔfele ye noa.