Ɛksadɔso 18:4 - AHYERƐLƐ KRONGRON

⁴ Ɔtole ko wora dumaa Eliesa (ɔnate kyɛ ɔhane kyɛ, “Me baba Nyameɛ gyinane me si, na olele me fili Faro ngrandɛ noa”).

Ɛksadɔso 18:4 Iomraidhean Croise

Gyenesise 49:25

Wɔ baba ye Nyameɛ yeɛ ɔkɔboka wɔ ɔ, Ɛdangama Nyameɛ yeɛ okoyira wɔ ɔ, ɔkɔfa nyameɛso anwuro anwuro saleɛ yeɛ okoyira wɔ ɔ; aseɛ bo dɔ saleɛ buma bɔ ɔtrɛ ɔ, nyɔfone ne aworɛ nu saleɛ yeɛ ɔkɔfa koyira wɔ ɔ.

1 Aberɛso Dwirɛ 23:15

Mose mma mmienzua ole Gɛsɔm ne Eliesa.

1 Aberɛso Dwirɛ 23:17

Eliesa awa bienzua ole Rehabia. Rehabia yeɛ né ɔla b’abusua ne noa ɔ. Eliesa wanwo baa bienzua ko, nakoso Rehabia boso ama de, bɛte pee paa.

Edwein 18:1

Ao AWURADE bɔ ɛte m’anwoserɛ ɔ, mekuro wɔ dwirɛ.

Edwein 18:48

ye bɔ ode me fi me pɔfoɛ mɔ sa nu ɔ; amba, bɛ bɔ bedwɔso betia me ne, wɔ yeɛ ɛma me so maa bewura me bo ɔ, na ede me fi mmenia bɔ awosii wɔ bɛ ti anu ɔ bɛ sa nu.

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 46:1

Nyameɛ te yɛ nwo ɛwaenbɔlɛ ne y’anwoserɛ, bokafoɛ paa bɔ opingye yɛ wɔ amaneɛnwunɛ mmerɛ nu ɔ.

Ɛksadɔso 10:28

Na Faro sele Mose kyɛ, “Fi me nyunu wa kɔ! Nea wɔ nwo yé, na nnɛmaa menwu wɔ nyunu ko; ofikyɛ kyẽa bɔ ɛkɔwa me nyunu ne, ngɔmaa bekohu wɔ.”

Ɛksadɔso 2:15

Na Faro tele sɔ dwirɛ nen, ɔyɛle kyɛ okohu Mose. Nakoso Mose nwatili Faro, na ɔɔtenane Midian maen nu wɔ abura bie anwo.

Ɛksadɔso 2:22

Sipora wole baa bienzua, na Mose tole ye dumaa Gɛsɔm, ɔnate kyɛ Mose hane kyɛ, “Maayɛ ɛwɔfoɛ wɔ amanvrafoɛ aseɛ so.”

Ɛksadɔso 4:20

Yiti Mose fale ɔye ne ye mma mmienzua nyɔ ne tenatenane afunum so, na osa hɔle Misraim aseɛ so. Na ɔfale Nyameɛ pɔmaa ne tirale.

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Asomafoɛ 12:11

Na Petro nye wale ye nwo so ne, ɔhane kyɛ, “Afei de, manwu kyɛ ɔte nahorɛ kyɛ Awurade asoma ye abɔfo maa waaye me wafi Herode sa nu, ɔne nikyee biala bɔ Yudafoɛ nye la so kyɛ bɛkɔfa bɛkɔyɛ me ɔ nu.”

Asomafoɛ 7:29

Na mmerɛ bɔ Mose tele sɔ dwirɛ nen, ɔnwatili, na ɔɔyɛle ɛwɔfoɛ wɔ Midian aseɛ so, na ɔwole mmaa mmienzua nyɔ wɔ berɛ.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

Hebrifoɛ 13:6

Yiti yɛkora yɛsi y’ahone yɛkã kyɛ, “Awurade te me bokafoɛ, mengosuro nikye fee. Kuro sona kɔhora kɔyɔ me nzu?”