Ɛksadɔso 18:26 - AHYERƐLƐ KRONGRON

²⁶ Na besiesiele mmenia nemɔ afia mmerɛ biala. Bɛfale edwirɛ bɔ ɔyɛ se nemɔ bɛwale Mose gya so, nakoso edwirɛ mmaa mmaa nemɔ de, bɛ bɔbɔ belili.

Ɛksadɔso 18:26 Iomraidhean Croise

1 Ahemvo 10:1

Hyeba hemmaa tele Solomon nga kyɛ wale dumaa paa. (Ɔnate AWURADE dumaa ti yeɛ olele dumaa ɔ.) Yiti Hyeba hemmaa hɔle kyɛ ɔkwaafa adwobisa bɔ ye noa yelɛ yɛ se ɔ oso ye nea.

YOB NWOMAA NE 29:16

Nyɛle bɛ bɔ bɛyɛ anwumvo ɔ bɛ baba, na ngane bie mane ɛwɔfoɛ bɔ menze ye ɔ.

Ɛksadɔso 18:22

Maa besiesie mmenia nemɔ afia mmerɛ biala. Edwirɛ biala bɔ ɔbo bɛ so ne, maa bɛfa bɛbra wɔ gya so. Nakoso edwirɛ mmaa mmaa mɔ de, maa bɛ bɔbɔ beli. Ɛhe kɔte wɔ fɛɛ ne aso, ná bɛ wora baboka wɔ maa ayɔ sɔ adwuma ne.

Lewitikɔso 24:11

Biaa bɔ oni yeɛ ɔte Yisraelniɛ ne, ɔbɔle Dumaa bɔ bɛmmɔ ne ɔfa nomale, na ɔkekane musue dwirɛ tiale ye dumaa. Bɛfale ye bɛwale Mose nyunu. Oni dumaa ole Selomite, bɔ oni ole Dibri bɔ ofi Dan abusua kure nu ne.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 17:8

“Sɛ edwirɛ ba wɔ gya so, bɔ ɔte aporowaasulɛ bɔ ɔfa awuelilɛ, manzoen, anaa epuralɛ nwo, wɔ wɔ nguro nemɔ anu, ná sɛ ye ndɛenbualɛ ne bo wɔ so a, ye de ka wɔ nwo kɔ nekaa bɔ AWURADE wɔ Nyameɛ kɔneanea nu kɔye kosie berɛ ne.