Ɛksadɔso 18:25 - AHYERƐLƐ KRONGRON

²⁵ Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 18:25 Iomraidhean Croise

Gyenesise 47:6

Misraim aseɛ ne wura wɔ sa, ma wɔ baba ne eliɛma mɔ bɛtena aseɛ ne nekaa bɔ ɔkye aleɛ paa ɔ. Maa bɛtena Gosen mbɔtam, na sɛ ɛse bɛ nu biemɔ bɔ bɛkɔhora a, maa bɛnea me nyɛmmoa deɛ mɔ bɛma me.”

2 Samuel 18:1

Afei Dawide boaboale koɛhonɛfoɛ bɔ bɛboka ye so ne noa, na ɔbɔle bɛ safohene maa bɛlelale koɛhonɛfoɛ apee apee ne ɛyaa ɛyaa noa.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 18:24

Yiti Mose tiele ye sia dwirɛ ne, na ɔyɔle bɔ ɔhane ne amukoraati.

Numeri 1:16

Ɛhemɔ yeɛ bɛyele bɛ befili mmenia ne anu ɔ, mbanyi mɔ bɔ bɛlela b’abusua kure nemɔ noa ɔ: bɛ yeɛ bɛlela Yisrael mmusua mmusua nemɔ noa ɔ.

Numeri 1:4

Odi kyɛ abusua kure biala nu sona ko, bɔ ɔla b’abusua ne noa ne ɔboka ɛmɔ.

Numeri 11:16

Yiti AWURADE sele Mose kyɛ, “Yisrael mbanyi bɔ ɛse kyɛ bɛte mmenia ne aso mbanyi ne atitire ne, boaboa bɛ nu aburasoo noa ma me. Fa bɛ bra ɛtena sua ne anu, ná ɛne bɛ gyina berɛ.

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.