Ɛksadɔso 18:23 - AHYERƐLƐ KRONGRON

²³ Na sɛ ɛyɔ he kyɛbɔ Nyameɛ hyɛ wɔ ne a, ɛkɔhora kogyina ye noa, ná mmenia ne amukoraa koso bahɔ b’awuro asomdwee nu.”

Ɛksadɔso 18:23 Iomraidhean Croise

Gyenesise 18:33

Na AWURADE ne Abraham bedwudwole beyiele nen, ofili berɛ hɔle; na Abraham koso osa hɔle ye awuro.

Gyenesise 30:25

Rahɛl wole Yosef ne, ye si ye, Yakob sele Laban kyɛ, “Ma me ate maa ngɔ me kuro ne me maen nu.

2 Samuel 18:3

Nakoso koɛhonɛfoɛ nemɔ sele kyɛ, “Daabi, yɛsrɛ wɔ, ɛngɔ bie. Ofikyɛ sɛ yɛnwati a, pɔfoɛ nemɔ ngobu ye nikyee titire bie. Yeɛ sɛ yɛ mmenia ne bue totɔ po a, ye koso bengobu ye nikyee titire bie. Nakoso wɔ de, wɔ nwo hia te kyɛ yɛ nu mmenia apee buru. Yiti sɛ ɛtena kuro wa, ná ɛsoma maa bɛfa nningyein bɔ yɛhia ɔ bɛbrɛ yɛ a, ɔte paa.”

2 Samuel 19:39

Afei koɛhonɛfoɛ ne amukoraa bɛ ne Nana Dawide bɛpɛle asue ne. Na anzana Nana Dawide baapɛ asue ne nen, ɔtɔle Basilae nu yɛle ye atuu, oyirale ye, na Basilae sa hɔle ye kuro.

2 Samuel 21:17

Nakoso Abisae bɔ oni ole Seruya ne, ɔpepɛ lele Dawide, na ɔhɔle Filistiniɛ ne so ohuni ye. Na ɛhe mane Dawide mmenia nemɔ tale ndaen tole ye so kyɛ, “Yɛkɔ koɛ bieku a, ɛngɔhɔ bie, anyɔ a ekonua Yisrael kanea ne.”

Ɛksadɔso 16:29

Ɛmɔanwu ye kyɛ, AWURADE ama ɛmɔ afofikyẽa, na ye sɔ ati yeɛ kyẽa bɔ ɔtɔ so nzia ne, ɔma ɛmɔ elenyɔ aleɛ ɔ. Yiti ɔsɛ kyɛ ebiala tena ye awuro; nnɛma ebiala tu ye gya baa fite fi ye awuro kyẽa bɔ ɔtɔ so nzoo ne.”

Ɛksadɔso 18:18

Ɛfɛɛ paa yeɛ ɛne mmenia bɔ bɛboka wɔ so ne bɛkɔfɛ ɔ; ofikyɛ adwuma ne ɔbo wɔ so, na wɔ ngome twe ɛngɔhora ye yɔ.

Ɛksadɔso 18:22

Maa besiesie mmenia nemɔ afia mmerɛ biala. Edwirɛ biala bɔ ɔbo bɛ so ne, maa bɛfa bɛbra wɔ gya so. Nakoso edwirɛ mmaa mmaa mɔ de, maa bɛ bɔbɔ beli. Ɛhe kɔte wɔ fɛɛ ne aso, ná bɛ wora baboka wɔ maa ayɔ sɔ adwuma ne.

Ɛksadɔso 18:24

Yiti Mose tiele ye sia dwirɛ ne, na ɔyɔle bɔ ɔhane ne amukoraati.

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Galatiafoɛ 2:2

Nyane nyekyire ti yeɛ ngɔle berɛ ɔ, na mvale nzɛmba bɔ mekã mekyire Amaenmaensofoɛ ne ndole bɛ nyunu; nakoso mbanyi nemɔ de, nga ngyirele bɛ wɔ ahameɛ, amaa adwuma bɔ meyɔ, ɔne bɔ mayɔ ye daa ne anyɛ mbaen.

1 Samuel 8:22

Na AWURADE buale Samuel kyɛ, “De b’edwirɛ ne to nu, ná si hene ma bɛ.” Na Samuel sele maen ne kyɛ, “Ebiala osa hɔ ye kuro.”