Ɛksadɔso 18:20 - AHYERƐLƐ KRONGRON

²⁰ Kyirekyire bɛ ahyɛdeɛ ne mmeraa ahoroɔ ne, ná maa benwu brabɔlɛ nu atee bɔ odi kyɛ bɛfa so ɔ, ɔne bɔ odi kyɛ bɛyɔ ɔ.

Ɛksadɔso 18:20 Iomraidhean Croise

Edwein 143:8

Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Edwein 32:8

(AWURADE nwa nyoo): Ngohyirehyire wɔ ná mahyire wɔ atee bɔ ɛfa so ɔ; me nye wɔ wɔ so, na ngotu wɔ foɛ.

Ɛksadɔso 18:16

Sɛ ebie ne obiɛngo benya dwirɛ a, bɛba me berɛ maa mesiesie b’afia, na mekyire bɛ Nyameɛ ahyɛdeɛ ne ye mmeraa.”

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yeremia 42:3

amaa ɔnate so AWURADE wɔ Nyameɛ wahyire yɛ atee bɔ yɛ́fa so ɔ, ɔne nikye horɛ bɔ yɛ́yɔ ɔ.”

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hesekiel 3:17

“Sona awa, mafa wɔ mayɛ Yisrael awuro ama so wɛmvoɛ; yiti tie me noa dwirɛ, ná fa bɔ bɛ kɔkɔ ma me.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Deuteronomi 1:18

Na nikyee biala bɔ né ɔsɛ kyɛ ɛmɔyɔ ye sɔ mmerɛ nen, nhyɛle ye nwo mmeraa mane ɛmɔ.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 5:27

Wɔ de, pingye berɛ, ná tie edwirɛ bɔ AWURADE yɛ Nyameɛ kɔha amukoraa; ná ka bɔ AWURADE yɛ Nyameɛ kɔha kohyire wɔ amukoraa kyire yɛ. Yɛkotie ná yali so.’

Deuteronomi 7:11

Yiti mmeraa dwirɛ ne ahyɛdeɛ ne nhyehyɛleɛ bɔ méfa méma wɔ ɛnɛ kyẽa ye, di so pɛpɛɛpɛ.

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.