Ɛksadɔso 18:16 - AHYERƐLƐ KRONGRON

¹⁶ Sɛ ebie ne obiɛngo benya dwirɛ a, bɛba me berɛ maa mesiesie b’afia, na mekyire bɛ Nyameɛ ahyɛdeɛ ne ye mmeraa.”

Ɛksadɔso 18:16 Iomraidhean Croise

2 Samuel 15:3

ɔyɛ a Absalom ka kyire ye kyɛ, “Nea, wɔ dwirɛ yɛ fɛ paa, nakoso ebiala nne berɛ bɔ okogyina Nana gya nu okoli wɔ dwirɛ ne ɔ.”

2 Aberɛso Dwirɛ 19:10

Ɛmɔ aliɛma mɔ bɔ bɛtete bɛ nguro nemɔ aso ne, sɛ bɛ nu biala fa edwirɛ ba ɛmɔ nyunu bɔ ɔfa awuelilɛ nwo, mmeraa anaa mmeraa dwirɛ, ahyɛdeɛ anaa nhyehyɛleɛ nwo a, odi kyɛ ɛmɔkyirekyire bɛ, amaa ɔnate so banni fɔ wɔ AWURADE nyunu maa ye yaafɛlɛ piri wamma ɛmɔ ne ɛmɔ aliɛma mɔ so. Ɛ́mɔyɔ sɔ, amaa ɛmɔanni fɔ.

YOB NWOMAA NE 31:13

“Sɛ mabu me nye magua m’akoaa anaa m’afaneɛ dwirɛ so, wɔ mmerɛ bɔ bɛbɔle me somoɛ hɔ a,

Ɛksadɔso 18:17

Na Mose sia ne buale ye kyɛ, “Bɔ ɛyɔ ye, ɔtte mayee.

Ɛksadɔso 2:13

Aleɛ hyene ne, ofitele, edwirɛ nwanwa, onwuni Hebrifoɛ nyɔ kyɛ bɛ́ko ɔ. Na obisale bɔ ye dwirɛ nyɛ fɛ ne kyɛ, “Nzu ati yeɛ ɛ́bo eliɛngo ɔ?”

Ɛksadɔso 23:7

Nnɛto ebiɛngo soen, yeɛ nnɛku sona bɔ odi be ná ɔtengyɛ ɔ, ofikyɛ mengobua amumuyɛɛniɛ be.

Ɛksadɔso 24:14

Na osele mbanyi nemɔ kyɛ, “Ɛ́mɔtena wa bɛnwondɛ yɛ kɔpem kyɛ yɛkosa kɔwa ɛmɔ wa ɔ. Aarɔn ne Hure boka ɛmɔ so wɔ wa; na sɛ ebie le dwirɛ bie a, maa ɔfa hɔ bɛ gya so.”

Lewitikɔso 24:15

Na ka kyire Yisraelfoɛ kyɛ, Ebiala bɔ ɔkɔnoma Nyameɛ ne, ye bɔne kɔbɔ ye bɔbɔ ye ti so.

Numeri 15:35

Yeɛ AWURADE sele Mose kyɛ, “Odi kyɛ beku biaa ne; ma mmenia ne amukoraa bɛboro ye nyɔboɛ wɔ asikyeleɛ ne asi dɔ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

1 Korintofoɛ 6:1

Ɔwale ye sɛ bɔ ɛmɔ nu bie ne oliɛma nya edwirɛ a, ɔkora fa kɔ ewiasefoɛ badwa nyunu na ɔmva ngɔ anwoteefoɛ mɔ nyunu ɔ?

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 6:1

“Afei mmeraa dwirɛ, ahyɛdeɛ ne nhyehyɛleɛ bɔ AWURADE ɛmɔ Nyameɛ hyɛle me kyɛ ngyirekyire ɛmɔ ma ɛmɔli so wɔ aseɛ bɔ ɛmɔkwaapɛ asue Yɔɔdan bɛkɔɔfa ne ɛhe;

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.