Ɛksadɔso 18:12 - AHYERƐLƐ KRONGRON

¹² Na Yɛtro, bɔ ɔte Mose sia bienzua ne, ɔfale naen yeralɛ afɔleɛ ne afɔleɛ ahoroɔ brɛle Nyameɛ. Na Aarɔn ne Yisrael mbanyi amukoraa wale, na bɛ ne Mose sia bienzua ne bedidili wɔ Nyameɛ nyunu.

Ɛksadɔso 18:12 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 26:25

Yiti Yisake sili afɔleɛ bokyea wɔ berɛ na ɔsɔnene AWURADE. Osili ɛtena sua wɔ berɛ, na ye ngoaa tuli abura wɔ berɛ.

Gyenesise 26:30

Yiti Yisake tole poen mane bɛ na bedidili bɛnone.

Gyenesise 31:54

Na Yakob bɔle afɔleɛ wɔ bokaa ne aso, na ɔfrɛle ye mmenia kyɛ beedidi; bedidili na bɛbɔle asiripɛ wɔ mmokaa aseɛ ne aso.

Gyenesise 4:4

Na Abel koso fale ye mmoaen ne anu nyii bɔ belili moa bɛwole bɛ ne, na ɔfale bɛ loe ne ɔɔbɔle afɔleɛ. Na AWURADE nye sɔle Abel ne ye afɔleɛ ne,

Gyenesise 43:25

Besiesiele b’akyɛdeɛ ne bɛfa bɛnwondɛle Yosef. Né ɔba awuro berɛ eyia ne, ofikyɛ né bate kyɛ bekodidi wɔ berɛ.

Gyenesise 8:20

Nowa sili afɔleɛ bokyea mane AWURADE; na kaka biala bɔ ye nwo te, ɔne anomaa biala bɔ ye nwo te ne, ɔfale nu bie bɔle naen yeralɛ afɔleɛ wɔ bokyea ne aso.

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

YOB NWOMAA NE 42:11

Afei Yob aliɛma mmienzua mukoraa ne oliɛma mmrasua mukoraa ne ebiala bɔ né ɔse Yob daa ne, bɛwale ye berɛ, na bɛ ne ye didili wɔ ye awuro. Bɛdodole ye, na bɛkyekyele ye wora wɔ amaneɛ amukoraa bɔ AWURADE maa ɔtole ye ne anwo. Bɛ nu biala mane ye sikaa ne sikaa kɔkorɛ kaa ko.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Ɛksadɔso 18:13

Aleɛ hyene ne, Mose tenane ase kyɛ osiesie mmenia afia dwirɛ, na mmenia gyinane ye so ndende toonn fite ngyerɛmɔ maa aleɛ dwole.

Ɛksadɔso 2:16

Né Midian sɔfo le mmaa mmrasua nzoo, na bɛwale berɛ kyɛ bɛbaato nzue begua nningyein bɔ bɛ baba nyɛmmoa no nu nzue ne anu.

Ɛksadɔso 2:20

Na obisale ye mma mmrasua nemɔ kyɛ, “Ɔwɔ nisua? Nzu ati yeɛ ɛmɔayakyi biaa ne dɔ ɔ? Ɛmɔɔfrɛ ye ma oodidi.”

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Ɛksadɔso 24:11

Nakoso Nyameɛ anyɔ Yisrael mbanyi nemɔ hwee. Benwuni Nyameɛ, bedidili, na bɛnone.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 33:7

Né Mose taa fa ɛtena sua ne okosi ye wɔ asikyeleɛ ne asi dɔ nziɛ nziɛ, na ɔfrɛle ye ɛtena sua atenaleɛ nu. Na sona biala bɔ né ɔpena kyɛ ɔfa ye dwirɛ to AWURADE nyunu ne, ɔyɛ a ɔkɔ ɛtena sua atenaleɛ nu berɛ, bɔ ɔwɔ asikyeleɛ ne asi dɔ ne.

Daniel 10:3

Manni aleɛ fɛɛ biala, naen anaa nzaa biala anga me noa, yeɛ mambopa toonn dapɛn nza mumua.

Numeri 10:29

Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Luka 14:1

Na ɔwale kyɛ afofikyẽa bie, ɔhɔle Farasiiniɛ panyi bie awuro kyɛ ɔkwaadidi nen, né bɛtetɛ ye bɛnea.

Luka 14:15

Na bɛ bɔ né bɛ ne Yesu bɛte poen nwo bedidi ne, nu ko tele edwirɛ he nen, osele Yesu kyɛ, “Bɔ okodidi wɔ Nyameɛ ahennie nu ne, wanya saleɛ!”

1 Korintofoɛ 10:18

Ɛmɔnea Yisraelfoɛ! Aso bɛ bɔ bedi afɔlebɔdeɛ nen, bɛ ne afɔleɛ bokyea ne bennyane abiɛngoɛfalɛ anaa?

1 Korintofoɛ 10:21

Ɛmɔngɔhora bɛngɔno Awurade kulie noa, ná ɛmɔano sunzummɔne mɔ koso bɛ kulie noa. Ɛmɔngɔhora bengodidi Awurade poen so, ná ɛmɔasa badidi sunzummɔne mɔ bɛ poen so.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

Deuteronomi 12:7

Ɛmɔ ne ɛmɔ awuro ama bekodidi berɛ wɔ AWURADE ɛmɔ Nyameɛ nyunu, na ɔnate ɛmɔ adwuma mukoraati bɔ AWURADE ɛmɔ Nyameɛ wayira ɛmɔ ye nwo ne ati, ɛmɔkoli ahurusi.

Deuteronomi 27:7

bɔ asomdwee afɔleɛ, ná di ye berɛ, ná gye wɔ nye wɔ AWURADE wɔ Nyameɛ nyunu.