Ɛksadɔso 18:1 - AHYERƐLƐ KRONGRON

¹ Midian sɔfo Yɛtro, bɔ ɔte Mose sia bienzua ne, ɔtele bɔ Nyameɛ ayɔ amukoraa ama Mose ne ye maen Yisrael, ɔne kyɛbɔ AWURADE asi aye Yisrael afi Misraim ɔ.

Ɛksadɔso 18:1 Iomraidhean Croise

Edwein 105:43

Yiti ɔyele ye mmenia fili berɛ wɔ anigye nu, bɛ yeɛ waneanea nu waye bɛ ɔ, na bɛfale edweintolɛ bɛhɔle.

Edwein 105:5

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Edwein 106:2

Nwa yeɛ ɔkɔhora kɔhã AWURADE nnwumaa mbiri mbiri ne ɔ, anaa ɔkɔhora kɔbɔ ye ayɛyelɛ amukoraa nwo dawure ɔ?

Edwein 34:2

AWURADE nu yeɛ me kra hoahoa ye nwo ɔ, odi kyɛ anwobrɛaseɛfoɛ betie, ná bɛ nye gye.

Edwein 44:1

Ao Nyameɛ, anwanwadeɛ bɔ ɛyɔle ye daa tete ne, wɔ yɛ nana mɔ b’aberɛ so ne, yɛ nana mɔ bahã bahyire yɛ; yɛ bɔbɔ yate ye wɔ yɛ so anu.

Edwein 78:4

Yɛngɔfa yɛngɔfea bɛ mma mɔ, na mmom aworɛ ndoatoasoɛ bɔ ɔba ye, yɛkɔhã yɛkohyire bɛ: AWURADE animnyam nnwumaa ne ye tumi, ɔne anwanwadeɛ mɔ bɔ wayɔ ɔ.

Ɛksadɔso 2:16

Né Midian sɔfo le mmaa mmrasua nzoo, na bɛwale berɛ kyɛ bɛbaato nzue begua nningyein bɔ bɛ baba nyɛmmoa no nu nzue ne anu.

Ɛksadɔso 2:18

Na besa bɛwale bɛ baba Rewel berɛ nen, obisale bɛ kyɛ, “Nzu ati yeɛ ɛnɛ de ɛmɔawa ndɛ sɔa ye?”

Ɛksadɔso 2:21

Mose penene so ɔne biaa ne bɛtenane, na ɔfale ɔwa brasua Sipora mane Mose gyale.

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 4:18

Mose sá hɔle ye sia Yɛtro berɛ, na osele ye kyɛ; “Mesrɛ wɔ, maa nza ngɔ nniɛma mɔ berɛ wɔ Misraim, ná ngɔnea sɛ bɛtɛ te ase a.” Na Yɛtro sele Mose kyɛ, “Kɔ asomdwee nu oo.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Numeri 10:29

Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:12

Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne.

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

Yosua 2:10

Ofikyɛ, yate kyɛbɔ AWURADE mane Ɛpo Kɔkorɛ nu nzue wewele wɔ ɛmɔ nyunu, wɔ mmerɛ bɔ né ɛmɔfi Misraim bɛ́ba ne, ɔne nikyee bɔ ɛmɔfa bɛyɔle Amorifoɛ ahemvo nyɔ nemɔ: Sihon ne Ogo, bɔ bɛwɔ asue Yɔɔdan si dɔ ne, kyɛbɔ ɛmɔhuhuni bɛ bɔkɔɔ ne.

Yosua 9:9

Na bebuale ye kyɛ, “AWURADE wɔ Nyameɛ dumaa bɔ watrɛ wahɔ dede ne, ɔnate ye ti yeɛ wɔ ngoaa yafi maen dedeede bie aso yawa ɔ; ofikyɛ yate ye nwo dwirɛ, bɔ ɔyɔle ye wɔ Misraim amukoraa,

Maenbulɛfoɛ 1:16

Mose sia bienzua Hobabo bɔ ɔte Keniniɛ ne, ye boso ama mɔ, bɛ ne Yuda boso ama befili ayee kuro ne anu bɛhɔle Yuda ɛserɛ ne aso. Ɛserɛ ne wɔ ngwaen dɔ aseɛ bɔ opingye Arade ne aso. Bɛ ne Amalɛkefoɛ bɛɛtenane.

Maenbulɛfoɛ 4:11

Né Keniniɛ Heberi wate ye nwo wafi Kenifoɛ ngaa nemɔ anwo. Kenifoɛ bɛte Mose sia bienzua Hobabo ye boso ama, na né bakyekye b’asikyeleɛ maa waadwu Elon Besananim, bɔ opingye Kedese ne.