Ɛksadɔso 17:8 - AHYERƐLƐ KRONGRON

⁸ Afei Amalɛkefoɛ wale bɛ ne Yisraelfoɛ bɛɛhone wɔ Refidim.

Ɛksadɔso 17:8 Iomraidhean Croise

Gyenesise 14:7

Afei besale bɛ si bɛwale Ɛn Misepate (bɔ besa bɛfrɛ ye Kadese ne), na belili Amalɛkefoɛ maen ne amukoraa ne Amorifoɛ bɔ bɛte Hasason Tamar so ngonim.

Gyenesise 36:12

(Né Timina te Yisɔ awa bienzua Elifase sómaa; na ɔne Elifase bɛwole Amalɛke.) Yisɔ aye Ada ye mma mmienzua mɔ ɛne.

Gyenesise 36:16

Kora, Gatam ne Amalɛke; bɛ yeɛ bɛte Elifase bosofoɛ atitire bɔ bɛwɔ Edom aseɛ so ne. Bɛte Ada mma.

Edwein 83:7

Gebal ne Amon ne Amalɛke, Filistia ne Tirofoɛ.

Ɛksadɔso 17:1

Yisrael ɛlɔen ne amukoraa tuli bɛ bo befili Sin ɛserɛ ne aso, na belili tutena, kyɛbɔ AWURADE mmeraa dwirɛ te ne; na bɛkyekyele asikyeleɛ wɔ Refidim. Nakoso né nzue bɔ bɛkɔno ɔ nne berɛ.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 24:20

Afei Balaam tole ye nye neane Amalɛke, na ɔhyɛle ngɔm kyɛ, “Amalɛke yeɛ odi mu paa wɔ maen maen mɔ nu ɔ, nakoso ye ayieleɛ ole kyɛ ɔkɔbɔ koraa.”

Maenbulɛfoɛ 6:3

Ofikyɛ mmerɛ biala bɔ Yisraelfoɛ kɔyɔ eboo ne, né Midianfoɛ ne Amalɛkefoɛ ne eyia afiteleɛfoɛ bafa ngondii baateta bɛ.

1 Samuel 14:48

Ohyirele kyɛ ye ahone yɛ se. Olili Amalɛkefoɛ so ngonim. Na mmenia bɔ bɛbɔ Yisrael so apaa ne, olele Yisrael fili bɛ sa nu.

1 Samuel 15:2

Asafo AWURADE nwa nyoo, ‘Ngotua Amalɛkefoɛ so kerɛ, ɔnate kyɛ mmerɛ bɔ né Yisraelfoɛ béfi Misraim bɛ́ba ne, bɛɛtɛle bɛ atunu bɛ ne bɛ hone.

1 Samuel 27:8

Dawide ne ye mmenia nemɔ beetuale Gesurefoɛ, Gisifoɛ ne Amalɛkefoɛ, ofikyɛ Sure atee ne aso bɔ ɛfa kɔ Misraim aseɛ so ne, sɔ mmenia nemɔ yeɛ né ofi tetetete bɛte berɛ ɔ.

1 Samuel 30:1

Ye ɛlɛsa ne aso, bɔ Dawide ne ye mmenia nemɔ beedwuli Siklage nen, né Amalɛkefoɛ baabɔ apaa wɔ Yuda ngwaen dɔ ne Siklage. Né bafa koɛ baatoa Siklage bato nu see.