Ɛksadɔso 17:7 - AHYERƐLƐ KRONGRON

⁷ Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Ɛksadɔso 17:7 Iomraidhean Croise

Edwein 106:32

Behuli AWURADE ahone wɔ Meriba nzue ne anwo, na ɔnate bɛ ti Mose nyane edwirɛ.

Edwein 78:18

Besole Nyameɛ bɛneane wɔ b’ahone nu, ofikyɛ bebisale aleɛ bɔ bɛ komvi wɔ so ɔ kitii.

Edwein 81:7

Esu frɛle me wɔ w’amaneɛnwunɛ nu, na mbepɛ nnele wɔ; nekaa bɔ agralaa wɔ wɔ mvealeɛ nu ne, berɛ yeɛ mmane wɔ mmuayɛɛ, na nzole wɔ neane wɔ Meriba asue anwo. Sela

Edwein 81:8

Me maen, ɛ́mɔtie maa ndu ɛmɔ foɛ. Ao Yisrael, sɛ ahaa ekotie me dwirɛ a!

Edwein 95:8

Nnɛma ɛmɔyɛ asoserɛ, kyɛbɔ ɛmɔyɛle wɔ Meriba ne, kyɛbɔ ɛmɔyɛle ye sɔ kyẽa ne wɔ Masa wɔ ɛserɛ ne aso ne,

Ɛksadɔso 17:2

Yiti ɛlɔen ne ne Mose nyane dwudwolɛ, na besele kyɛ, “Ma yɛ nzue ma yɛno.” Na Mose buale bɛ kyɛ, “Nzu ati yeɛ ɛmɔbɔ me somoɛ ɔ? Nzu ati yeɛ ɛmɔso AWURADE bɛnea ɔ?”

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Numeri 20:13

Ɛhe ole Meriba asue, nekaa bɔ Yisraelfoɛ ne AWURADE nyane dwudwolɛ, berɛ yeɛ AWURADE yele ye krongronyɛlɛ ali ɔ.

Numeri 20:24

“Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

Numeri 27:14

Ofikyɛ mmerɛ bɔ maen ne dwɔso tiale me wɔ Sen ɛserɛ ne aso ne, ɛmɔyɛle me mmeraa dwirɛ nwo asoserɛ. Ɛmɔamma wanna ali wɔ Yisraelfoɛ nyunu kyɛ nde krongron, wɔ nekaa bɔ nzue wale ne.” (Ɛhe ole Meribate Kadese asue bɔ ɔwɔ Sen ɛserɛ ne aso ne.)

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Deuteronomi 6:16

“Nnɛma ɛmɔso AWURADE ɛmɔ Nyameɛ ne bɛnea, kyɛbɔ ɛmɔsole ye bɛneane wɔ Masa ne.

Deuteronomi 9:22

“Na ɛmɔdwuli Tabera, yeɛ afei Masa ne Kibrote Hataawa nen, ɛmɔwurale AWURADE apue mane ye ahone huli.

Yosua 22:31

Na ɔsɔfo Eleasa awa Finehase sele Rubenfoɛ, Gadefoɛ ne Manasefoɛ kyɛ, “Ɛnɛ de, yanwu ye kyɛ AWURADE gyi yɛ si, ofikyɛ ɛhe de, nna musue nikye yeɛ ɛmɔayɔ batia AWURADE ɔ; na kekesaala ye de, ɛmɔale Yisraelfoɛ bafi AWURADE tumi asohwenɛ nu.”