Ɛksadɔso 17:4 - AHYERƐLƐ KRONGRON

⁴ Yiti Mose sũ frɛle AWURADE kyɛ, “Nzikyɛ yeɛ nyɔ mma mmenia ye mɔ ɔ? Bɛ́pena bɛboro me nyɔboɛ.”

Ɛksadɔso 17:4 Iomraidhean Croise

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 14:15

Na AWURADE sele Mose kyɛ, “Nzu ati yeɛ esu frɛ me ye? Ka kyire Yisraelfoɛ kyɛ bɛhɔ bɛ nyunu.

Ɛksadɔso 15:25

Yiti Mose sũ frɛle AWURADE, na AWURADE hyirele ye bakaa bie. Ogyili bakaa ne tole nzue ne anu, na nzue ne yɛle fɛ. AWURADE yɛle ahyɛdeɛ ne nhyehyɛleɛ mane bɛ wɔ berɛ, na osole bɛ neane wɔ berɛ.

Numeri 11:11

Yiti Mose bisale AWURADE kyɛ, “Nzu ati yeɛ ɛne w’akoaa bali ye weewee sɔa ye? Nzu ati yeɛ annwu me anwumvoin bɔ afa mmenia ne amukoraa bɛ nwo ngyeleɛ ahye me ye?

Numeri 14:10

Nakoso maen ne amu yɛle b’adwene kyɛ bɛkɔboro bɛ nyɔboɛ. Yeɛ AWURADE animnyam yele ye nwo ali ɛtena sua atenaleɛ ne anu hyirele Yisraelfoɛ amukoraa.

Numeri 16:19

Yeɛ Kora boaboale maen ne amukoraa noa maa begyinane Mose ne Aarɔn bɛ ndendeneɛ so wɔ ɛtena sua atenaleɛ anoa nu berɛ. Na AWURADE animnyam yele ye nwo ali hyirele maen ne amu.

Yohane 10:31

Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 7:50

Aso nna me sa yeɛ ɔyɔle ɛhemɔ amukoraa ɔ?’ ”

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.