Ɛksadɔso 17:2 - AHYERƐLƐ KRONGRON

² Yiti ɛlɔen ne ne Mose nyane dwudwolɛ, na besele kyɛ, “Ma yɛ nzue ma yɛno.” Na Mose buale bɛ kyɛ, “Nzu ati yeɛ ɛmɔbɔ me somoɛ ɔ? Nzu ati yeɛ ɛmɔso AWURADE bɛnea ɔ?”

Ɛksadɔso 17:2 Iomraidhean Croise

Edwein 106:13

Nakoso wangyɛ yeɛ bɛ wora fili ye nnwumaa ɔ, na banwondɛ bandie ye ahyɛdeɛ.

Edwein 106:14

Na mmom benyane akɔnnɔ tɛɛ wɔ ɛserɛ ne aso, na besole Nyameɛ bɛneane wɔ aseɛ pralaa ne aso.

Edwein 78:18

Besole Nyameɛ bɛneane wɔ b’ahone nu, ofikyɛ bebisale aleɛ bɔ bɛ komvi wɔ so ɔ kitii.

Edwein 78:41

Besole Nyameɛ bɛneane mmerɛ pee, na bewurale Yisrael Krongronniɛ ne apue.

Edwein 78:56

Nakoso besole Anwuro Anwuro Nyameɛ ne bɛneane, bɛyɛle ye nwo lɔen. Banni ye noa dwirɛ so,

Edwein 95:8

Nnɛma ɛmɔyɛ asoserɛ, kyɛbɔ ɛmɔyɛle wɔ Meriba ne, kyɛbɔ ɛmɔyɛle ye sɔ kyẽa ne wɔ Masa wɔ ɛserɛ ne aso ne,

Edwein 95:9

mmerɛ bɔ ɛmɔ nana mɔ sole me bɛneane, ná bɛgyegyele me ne, ɔwɔ nu kyɛ né banwu me nnwumaa de.

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Ɛksadɔso 5:21

Na besele bɛ kyɛ, “Nyameɛ ɔ́nea ɛmɔ na óbua ɛmɔ ndɛen, ofikyɛ ɛmɔamaa yayɛ tɛɛ wɔ Faro ne ye mbanyi nyunu, na ɛmɔafa ngrandɛ bawura bɛ sa nu kyɛ behũ yɛ.”

Yesaya 7:12

Nakoso Ahase buale kyɛ, “Mengobisa, yeɛ mengoso AWURADE mengɔnea.”

Malaki 3:15

Na afei de, yɛbu ahandaenfoɛ kyɛ bɛ yeɛ banya saleɛ ɔ; amba, bɛ bɔ bɛbɔ bra tɛɛ ne yeɛ benya ngɔsoɛ ɔ; amba, bɛ bɔ beso Nyameɛ bɛnea ne yeɛ benya bɛ ti bedidi nu ɔ.’ ”

Numeri 14:2

Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Mateo 4:7

Yesu buale ye kyɛ, “Bahyerɛ ye bieku kyɛ, ‘Nneso Awurade wɔ Nyameɛ nea!’ ”

Luka 15:12

Bɛ nu kãa ne sele ye baba kyɛ, ‘Baba, agyapadeɛ ne, fa me kyɛfa deɛ bɔ ɔwɔ nu ɔ ma me!’ Yiti baba ne hyɛle ye nningyein nu mane bɛ.

Luka 4:12

Na Yesu buale ye kyɛ, “Bahã kyɛ, ‘Nneso Awurade wɔ Nyameɛ nea.’ ”

Asomafoɛ 15:10

Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ?

Asomafoɛ 5:9

Yeɛ Petro sele ye kyɛ, “Nzu ati yeɛ ɛmɔahã ɛmɔ ti bapura kyɛ ɛmɔso Awurade Sunzum ne bɛnea ɔ? Nea, mmenia bɔ besiele ehu ne bɛwɔ anoanu berɛ, na bɛkɔsoa wɔ koso bekofi wa bɛkɔhɔ.”

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.

Deuteronomi 6:16

“Nnɛma ɛmɔso AWURADE ɛmɔ Nyameɛ ne bɛnea, kyɛbɔ ɛmɔsole ye bɛneane wɔ Masa ne.

Deuteronomi 9:22

“Na ɛmɔdwuli Tabera, yeɛ afei Masa ne Kibrote Hataawa nen, ɛmɔwurale AWURADE apue mane ye ahone huli.

Hebrifoɛ 3:9

Berɛ yeɛ ɛmɔ nana mɔ gyegyele me besole me bɛneane, na benwuni me nnwumaa afoɛ aburanna ɔ.

1 Samuel 8:6

Nakoso bɛhane kyɛ, ‘Ma yɛ hene ma ɔla yɛ noa’ ne, wanyɛ Samuel fɛ. Yiti Samuel fa tole AWURADE nyunu,