Ɛksadɔso 17:13 - AHYERƐLƐ KRONGRON

¹³ Na Yosua mane Amalɛke ne ye mmenia bɛtotɔle ngrandɛ noa.

Ɛksadɔso 17:13 Iomraidhean Croise

Ɛksadɔso 17:12

Nakoso Mose sa nyane; yiti bɛfale nyɔboɛ bie bɛtole ye gya si berɛ deinn, na ɔtenane so. Na Aarɔn ne Hure pagyale ye sa ne hɔle anwuro, ko gyinane ye bue faen, yeɛ ko wora gyinane ye bue dɔ. Yiti ye sa ne hora gyinane berɛ toonn mane eyia tɔle.

Ɛksadɔso 17:14

Na AWURADE sele Mose kyɛ, “Kyerɛ he wɔ nwomaa bie aso ma ɔyɛ ngayeɛ nikye, ná kenga kyire Yosua kyɛ, ngonua Amalɛke ye boso ngofi aseɛ ye aso.”

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Yosua 10:28

Sɔ kyẽa ne ala, Yosua ho fale Makeda. Ɔfale ngrandɛ huhuni kuro berɛ ama ne berɛ hene; ohuhuni berɛ ama mukoraa bɔkɔɔ. Wanyakyi sona ko po. Na bɔ ɔfa yɔle Yeriko hene ne, sɔ ala yeɛ ɔfa yɔle Makeda hene ɔ.

Yosua 10:32

AWURADE fale Lakise wurale Yisrael sa. Ye elenyɔ ne aso yeɛ Yisrael lili so ngonim ɔ, na ɔfale ngrandɛ huhuni kuro berɛ ama mukoraati, kyɛbɔ ɔfa yɔle Libina kuro mma ne ala.

Yosua 10:37

Belili so ngonim. Bɛfale ngrandɛ behuhuni nu mmenia ne nu hene, mbɔtam berɛ nguro nemɔ nu mmenia, na behuni nu mmenia amukoraa. Wanyakyi sona ko po; na kyɛbɔ ɔfa yɔle Eglon nen, sɔ ala yeɛ ɔsɛkyele Hebron bɔkɔɔ ɔ, na ohuhuni nu mmenia mukoraati.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Yosua 11:12

Yosua lili sɔ nguro ne amukoraa ne bɛ hene amukoraa so ngonim, na ɔfale ngrandɛ huhuni bɛ; ohuhuni bɛ bɔkɔɔ kyɛbɔ AWURADE somvoɛ Mose hyɛle ne.

Yosua 8:26

Yosua sa bɔ ɔfa tengyɛle buralɛ tendenn tworɔntworɔn wɔ Aye so nen, wandwe wanza kɔpem kyɛ ohuhuni Ayefoɛ amukoraa bɔkɔɔ ɔ.