Ɛksadɔso 17:1 - AHYERƐLƐ KRONGRON

¹ Yisrael ɛlɔen ne amukoraa tuli bɛ bo befili Sin ɛserɛ ne aso, na belili tutena, kyɛbɔ AWURADE mmeraa dwirɛ te ne; na bɛkyekyele asikyeleɛ wɔ Refidim. Nakoso né nzue bɔ bɛkɔno ɔ nne berɛ.

Ɛksadɔso 17:1 Iomraidhean Croise

Ɛksadɔso 15:22

Afei Mose mane Yisraelfoɛ tuli bɛ bo befili Ɛpo Kɔkorɛ ne anwo, na bɛfale bɛ nye behyirele Sure ɛserɛ ne aso. Bɛnatele ɛserɛ ne aso ɛlɛsa mumua bɔ bannwu nzue ɔ.

Ɛksadɔso 16:1

Yisraelfoɛ tuli bɛ bo befili Elim, na Yisrael ɛlɔen ne amukoraa wale Sin ɛserɛ bɔ ɔla Elim ne Sinai b’afia ne aso. Betu befili Misraim aseɛ so ne, bosome bɔ ɔtɔ so nyɔ ne anu, kyẽa bɔ ɔtɔ so buru ne nnu ne aso yeɛ bedwuli Sin ɛserɛ ne aso ɔ.

Ɛksadɔso 17:8

Afei Amalɛkefoɛ wale bɛ ne Yisraelfoɛ bɛɛhone wɔ Refidim.

Ɛksadɔso 19:2

Betuli bɛ bo befili Refidim nen, beedwuli Sinai ɛserɛ ne aso, na bɛkyekyele asikyeleɛ wɔ berɛ; na Yisrael kyekyele asikyeleɛ wɔ bokaa ne nyunu.

Numeri 20:2

Né mmenia ne nnya nzue wɔ berɛ, yiti bɛyɛle Mose ne Aarɔn nwo lɔen.

Numeri 9:17

Mmerɛ biala bɔ munungum ne kɔma ye nwo so kofi ɛtena sua ne aso ne yeɛ Yisraelfoɛ betu bɛ bo ɔ; na nekaa biala bɔ munungum ne kogyina ne, berɛ yeɛ Yisraelfoɛ fa yɛ b’asikyeleɛ ɔ.

Numeri 9:23

Sɛ AWURADE ka kyɛ bɛkyekye asikyeleɛ a yeɛ bɛkyekye asikyeleɛ ɔ, na sɛ AWURADE ka kyɛ betu bɛ bo a yeɛ betu bɛ bo ɔ. Belili AWURADE ahyɛdeɛ so, ahyɛdeɛ bɔ AWURADE nate Mose so fa mane bɛ ne.