Ɛksadɔso 16:7 - AHYERƐLƐ KRONGRON

⁷ Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Ɛksadɔso 16:7 Iomraidhean Croise

Ɛksadɔso 16:10

Na Aarɔn noa wɔ so bɔ odwudwo kyire Yisrael ɛlɔen nen, bɛtole bɛ nye bɛneane ɛserɛ ne aso dɔ, na mvum nu, AWURADE animnyam yele ye nwo ali wɔ munungum ne anu.

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Ɛksadɔso 24:16

AWURADE animnyam wale Sinai bokaa ne aso, na munungum ne katale so elesia. Na ye ɛlɛsoo ne aso, ɔfrɛle Mose fili munungum ne anu.

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Yesaya 35:2

Ɔkɔbɔ nyerɛen pee, na ɔkɔfa anika kɔto dwein koli ahurusi. Bɛkɔfa Lebanon animnyam ne bɛkɔma ye, Kamɛl ne Saron nyemene ne, bɛ yeɛ bekonwu AWURADE animnyam ne, yɛ Nyameɛ tumi ne ɔ.

Yesaya 40:5

Na AWURADE animnyam ne kɔla ali, na anwoɔnaen amukoraa kɔbɔ nu konwu ye, ofikyɛ AWURADE noa dwirɛ ɛne.”

Lewitikɔso 9:6

Na Mose sele kyɛ, “Nikyee bɔ AWURADE hyɛle ɛmɔ kyɛ ɛmɔyɔ ɛhe, amaa ɔnate so AWURADE aye ye animnyam ali wahyire ɛmɔ.”

Numeri 14:10

Nakoso maen ne amu yɛle b’adwene kyɛ bɛkɔboro bɛ nyɔboɛ. Yeɛ AWURADE animnyam yele ye nwo ali ɛtena sua atenaleɛ ne anu hyirele Yisraelfoɛ amukoraa.

Numeri 14:27

“Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.

Numeri 16:11

Yiti ɛne wɔ mmenia bɔ bɛboka wɔ so ne amukoraa, ɛmɔayɔ AWURADE nwo lɔen. Aarɔn ole nwa bɔ ɛmɔpenepene bɛ komvi begua ye so ye?”

Numeri 16:42

Na maen ne yɛle bɛ nwo lɔen beyiele nen, Mose ne Aarɔn kakyili bɛ nye behyirele ɛtena sua atenaleɛ ne. Né munungum ne amundu so, na né AWURADE animnyam aye ye nwo ali.

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”