Ɛksadɔso 16:35 - AHYERƐLƐ KRONGRON

³⁵ Yisraelfoɛ lili mana afoɛ aburanna, maa oodwuli kyɛ bedwuli aseɛ bɔ mmenia tete so ɔ so; na belili mana toonn kɔpem kyɛ bedwuli Kanaan aseɛ so ɔ.

Ɛksadɔso 16:35 Iomraidhean Croise

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Numeri 32:13

Na AWURADE fɛle Yisrael so yaa paa, na ɔmaa behyinihyinini ɛserɛ so toonn afoɛ aburanna, kɔpem kyɛ aworɛ ndoatoasoɛ bɔ bayɔ bɔne wɔ AWURADE nyunu ne, bɛ mukoraa bewuwuli ɔ.

Numeri 33:38

Yisraelfoɛ fili Misraim aseɛ so ne, ye afoɛ aburanna ne anu, kyẽa bɔ oli moa wɔ bosome bɔ ɔtɔ so nnu ne anu ne, ɔsɔfo Aarɔn fo hɔle Hore bokaa ne aso kyɛbɔ AWURADE hyɛle ye ne, na oowuli wɔ berɛ.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

1 Korintofoɛ 10:3

Bɛ mukoraa belili sunzum nu aleɛ komapɛ ne ala,

Deuteronomi 1:8

Tie! Aseɛ bɔ maye masie berɛ mama ɛmɔ ne yeɛ ɔla ɛmɔ nyunu dɔ ne. Yiti ɛmɔhɔ bɛɛfa aseɛ bɔ me bɔbɔ AWURADE ndale ndaen ngyirele ɛmɔ nana mɔ Abraham, Yisake ne Yakob kyɛ ngɔfa ngɔma bɛ ne bɛ bosofoɛ bɔ bɛkɔwa nziɛ ye ne.’

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Deuteronomi 29:4

Nakoso ɛnɛ ne ɛnɛ ye po, AWURADE nnya mmane ɛmɔ adwene bɔ ɔte edwirɛ (hemɔ) bo ɔ, anaa anyeɛ bɔ onwu nikye ɔ, anaa asoɛ bɔ ɔte dwirɛ ɔ.

Deuteronomi 8:4

Afoɛ aburanna ye anu, wɔ tena bɔ ɛhera ɔ wandete, yeɛ wɔ gya bo koso wannwunwu.

Yosua 5:12

Kyẽa bɔ belili aseɛ ne aso aleɛ ne, mana ne yakyili tɔlɛ, yiti Yisraelfoɛ annya mana ko; na mmom belili Kanaan aseɛ ne aso aleɛ sɔ afoɛ ne.