Ɛksadɔso 16:33 - AHYERƐLƐ KRONGRON

³³ Na Mose sele Aarɔn kyɛ, “Fa talie, ná fa mana olonka ko gua nu; ná fa sie AWURADE nyunu, maa bɛ́fa bésie wɔ ɛmɔ aworɛ ndoatoasoɛ amukoraa nu.”

Ɛksadɔso 16:33 Iomraidhean Croise

Ɛksadɔso 16:32

Na Mose sele kyɛ, “Edwirɛ bɔ AWURADE aha ato berɛ hɔ ɛhe: ‘Ɔsɛ kyɛ ɛmɔfa mana olonka ko besie berɛ bɛma ɛmɔ si ama mukoraa bɔ bɛkɔwa ɔ, amaa ɔnate so banwu aleɛ bɔ mva mane ɛmɔ lili wɔ ɛserɛ so, mmerɛ bɔ nyele ɛmɔ mvili Misraim aseɛ so ne.’ ”

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’