Ɛksadɔso 16:32 - AHYERƐLƐ KRONGRON

³² Na Mose sele kyɛ, “Edwirɛ bɔ AWURADE aha ato berɛ hɔ ɛhe: ‘Ɔsɛ kyɛ ɛmɔfa mana olonka ko besie berɛ bɛma ɛmɔ si ama mukoraa bɔ bɛkɔwa ɔ, amaa ɔnate so banwu aleɛ bɔ mva mane ɛmɔ lili wɔ ɛserɛ so, mmerɛ bɔ nyele ɛmɔ mvili Misraim aseɛ so ne.’ ”

Ɛksadɔso 16:32 Iomraidhean Croise

Edwein 105:5

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Ɛksadɔso 16:16

Bɔ AWURADE ahyɛ hɔ ɛhe: ‘Ɔsɛ kyɛ ebiala sesa somaa bɔ ɔkɔso ye di ɔ; olonka ngoko ngoko. Ɔsɛ kyɛ ebiala nea mmenia somaa bɔ bɛwɔ ye ɛtena sua nu ɔ ná ɔsesa.’ ”

Ɛksadɔso 16:31

Yisraelfoɛ frɛle aleɛ ne mana. Né ɔte kyɛ mviɛlɛ, fitaa, na ye fɛɛ te kyɛ apiti bɔ woɛ wɔ nu ɔ.

Ɛksadɔso 16:33

Na Mose sele Aarɔn kyɛ, “Fa talie, ná fa mana olonka ko gua nu; ná fa sie AWURADE nyunu, maa bɛ́fa bésie wɔ ɛmɔ aworɛ ndoatoasoɛ amukoraa nu.”

Yeremia 7:23

Nakoso mmeraa bɔ mva mane bɛ ole kyɛ, ‘Ɛ́mɔtie me dwirɛ, na ngɔyɛ ɛmɔ Nyameɛ, ná ɛmɔ wora ɛmɔayɛ me maen. Na atee amukoraa bɔ nhyehyɛle mmane ɛmɔ ne, so ala yeɛ odi kyɛ ɛmɔfa ɔ, amaa ɔnate so wayie ɛmɔ yé.’

Hosea 11:4

Mvale anwumvoinnwunɛ nyamaa yeɛ ndwetwene bɛ ɔ, mvale ɔdɔ nyamaa; na nyɛle kyɛ ebie bɔ ɔsangye b’awogyee kɔnnua ɔ mmane bɛ, na ngunduni bɛ nwo berɛ mmane bɛ aleɛ.

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Hebrifoɛ 2:1

Ye sɔ ne ati, odi kyɛ yɛsɔ nahorɛ dwirɛ bɔ yate ne anu yé ná yammini.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.