Ɛksadɔso 16:31 - AHYERƐLƐ KRONGRON

³¹ Yisraelfoɛ frɛle aleɛ ne mana. Né ɔte kyɛ mviɛlɛ, fitaa, na ye fɛɛ te kyɛ apiti bɔ woɛ wɔ nu ɔ.

Ɛksadɔso 16:31 Iomraidhean Croise

Ɛksadɔso 16:14

Na ɛborɔ ne yakyili gualɛ nen, mvum nu, nikyee mmaa mmaa taataa bie bɔ ye hatahata te kyɛ asukɔtwea guaguale ɛserɛ ne aso.

Ɛksadɔso 16:15

Na Yisraelfoɛ nwuni ye sɔ nen, bebisabisale bɛ nwo ngoko ngoko kyɛ, “Nzikyɛ nikyee ɛhe?” Ofikyɛ né bɛnze nikye horɛ. Na Mose sele bɛ kyɛ, “Aleɛ bɔ AWURADE afa ama ɛmɔ kyɛ ɛmɔli hɔ ɛne.

Ɛksadɔso 16:30

Yiti mmenia ne lele bɛ nwome kyẽa bɔ ɔtɔ so nzoo ne.

Ɛksadɔso 16:32

Na Mose sele kyɛ, “Edwirɛ bɔ AWURADE aha ato berɛ hɔ ɛhe: ‘Ɔsɛ kyɛ ɛmɔfa mana olonka ko besie berɛ bɛma ɛmɔ si ama mukoraa bɔ bɛkɔwa ɔ, amaa ɔnate so banwu aleɛ bɔ mva mane ɛmɔ lili wɔ ɛserɛ so, mmerɛ bɔ nyele ɛmɔ mvili Misraim aseɛ so ne.’ ”

Edwein Nu Dwein 2:3

Kyɛbɔ aprɛ te wɔ eburo mmakaa mɔ nu ne, sɔ ala yeɛ me kurofoɛ ne ɔte wɔ mmerandeɛ mɔ nu ɔ. Ndenane ye bo fɔnwoo ne anu wɔ anika nu, na ye mma ne, wabie wagua me gye abo.

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:3

Ɔmane ɛhɔen huni wɔ fa brɛle wɔ ase, na mana bɔ né ɛnze nikye horɛ, bɔ wɔ nana mɔ koso bɛnze nikye horɛ ne, ɔmane wɔ bie maa elili. Ɔyɔle sɔ, kyɛbɔ ɔkɔmaa ekonwu ye kyɛ, nna aleɛ ngome yeɛ ɔma sona nya ngoa ɔ, na mmom AWURADE noa nu dwirɛ biala yeɛ ɔma sona nya ngoa ɔ.