Ɛksadɔso 16:28 - AHYERƐLƐ KRONGRON

²⁸ Na AWURADE sele Mose kyɛ, “Kyinzu koraa yeɛ ɛmɔkɔpo me mmeraa dwirɛ ne me mmeraa maa okoodwu ɔ?

Ɛksadɔso 16:28 Iomraidhean Croise

2 Ahemvo 17:14

Nakoso bandie, na mmom bɛyɛle asoserɛ kyɛbɔ bɛ nana mɔ bɔ banne AWURADE bɛ Nyameɛ banni ne, bɛyɛle ne ala.

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

Edwein 106:13

Nakoso wangyɛ yeɛ bɛ wora fili ye nnwumaa ɔ, na banwondɛ bandie ye ahyɛdeɛ.

Edwein 78:10

Banni Nyameɛ apam ne aso, yeɛ bɛyɛle b’adwene kyɛ bengoli mmeraa ne aso.

Edwein 78:22

ofikyɛ banne Nyameɛ banni, na bamva bɛ wora banwura ye ngoalelɛ ne anu.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 16:27

Kyẽa bɔ ɔtɔ so nzoo ne, mmenia ne biemɔ hɔle kyɛ bɛkwaapena bie bɛsesa, nakoso bannya bie.

Ɛksadɔso 16:29

Ɛmɔanwu ye kyɛ, AWURADE ama ɛmɔ afofikyẽa, na ye sɔ ati yeɛ kyẽa bɔ ɔtɔ so nzia ne, ɔma ɛmɔ elenyɔ aleɛ ɔ. Yiti ɔsɛ kyɛ ebiala tena ye awuro; nnɛma ebiala tu ye gya baa fite fi ye awuro kyẽa bɔ ɔtɔ so nzoo ne.”

Yesaya 7:13

Yeɛ Yesaya sele kyɛ, “O Dawide awuro ama, ɛ́mɔtie! Ɛmɔnwa nzɛ ɔte edwirɛ baa kyɛ ɛmɔma ɛmɔ nwo yɛ mmenia ahi, bɔ yeɛ ɛmɔama ɛmɔ nwo ayɛ me Nyameɛ koso ahi ye?

Yesaya 7:9

Efraim ahenguro ole Samaria, yeɛ Remalia awa ne yeɛ ɔla Samaria noa ɔ. Na sɛ ɛmɔanne banni a, nahorɛ nu, ɛmɔngɔhora ɛmɔ gya nu gyina.”

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Yeremia 9:6

Nnakannaka nu yeɛ ɔte w’atenaleɛ ɔ! Nnakannaka ti benguro kyɛ bekonwu me ɔ, AWURADE noa dwirɛ ɛne.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Hesekiel 20:16

ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 20:12

Nakoso AWURADE sele Mose ne Aarɔn kyɛ, “Ɔnate kyɛ ɛmɔanne me banni, ná ɛmɔamma wanna ali wɔ Yisraelfoɛ nyunu kyɛ nde krongron ne ati, ɛmɔngɔfa mmenia hemɔ bengodwu aseɛ bɔ mafa mama bɛ ne aso.”

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”