Ɛksadɔso 16:21 - AHYERƐLƐ KRONGRON

²¹ Ngyerɛmɔ biala, ebiala sesale bɔ ɔkɔso ye di ɔ; nakoso sɛ eyia bɔ a, né wahuro.

Ɛksadɔso 16:21 Iomraidhean Croise

Ɛksadɔso 16:20

Nakoso bandɛ Mose so. Ebiemɔ yakyili bie ma aleɛ hyene so, na ngaka wale nu maa ɔbone mvii. Na Mose fɛle bɛ so yaa.

Ɛksadɔso 16:22

Kyẽa bɔ ɔtɔ so nzia ne, bɛsesale aleɛ ne mmɔhoɛ nyɔ; ebiala sesale olonka nyɔ. Mbanyi amukoraa bɔ bɛlela ɛlɔen ne noa ne, bɛwale Mose berɛ bɛɛbɔle ye amaneɛ,

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

2 Korintofoɛ 6:2

Ɔnate kyɛ ɔnwa: “Mmerɛ bɔ ɔsɛ ɔ nu ndiele wɔ, na mmokale wɔ wɔ ngoalelɛ kyẽa ne. Menwa ɛnɛ te adom mmerɛ, ɛnɛ te ngoalelɛ kyẽa.”