Ɛksadɔso 16:2 - AHYERƐLƐ KRONGRON

² Na Yisrael ɛlɔen ne amukoraa penepenene bɛ komvi beguale Mose ne Aarɔn so wɔ ɛserɛ ne aso.

Ɛksadɔso 16:2 Iomraidhean Croise

Gyenesise 19:4

Né bennya bɛllale po, yeɛ Sodom kurotue ne amukoraa, fite mmɛɛmaa so kodwu mbanyi so, bɛɛpɛle sua ne anwo beyiale ɔ.

Edwein 106:13

Nakoso wangyɛ yeɛ bɛ wora fili ye nnwumaa ɔ, na banwondɛ bandie ye ahyɛdeɛ.

Edwein 106:25

Bɛyɛle nwuhunwuhu wɔ b’ɛtena sua nemɔ anu, na bandie AWURADE dwirɛ.

Edwein 106:7

Yɛ nana mɔ, mmerɛ bɔ né bɛwɔ Misraim ne, bande w’anwanwadeɛ nemɔ abo, yeɛ bangaye wɔ ɔdɔ kandinga bɔ onni ngasi ne, na mmom bɛyɛle Anwuro Anwuro Nyameɛ ne aso lɔen wɔ Ɛpo Kɔkorɛ ne anwo.

Ɛksadɔso 14:11

Na besele Mose kyɛ, “Asieleɛ mɔ nne Misraim hɔ ɔ, bɔ yiti yeɛ afa yɛ awa kyɛ yɛɛwuwu yɛgua ɛserɛ ye aso ye? Ɛɛyele yɛ fili Misraim ne, bɔ amaa wato yɛ hɔ ɛne?

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Ɛksadɔso 17:3

Nakoso nzuhɔen huni mmenia ne wɔ berɛ, na bɛpenepenene bɛ komvi beguale Mose so. Bɛhane kyɛ, “Nzu ati yeɛ ɛɛyele yɛ fili Misraim ɔ, kyɛ ɛbaama nzuhɔen ku yɛ ne yɛ mma ne yɛ ngaka ɔ?”

Ɛksadɔso 5:21

Na besele bɛ kyɛ, “Nyameɛ ɔ́nea ɛmɔ na óbua ɛmɔ ndɛen, ofikyɛ ɛmɔamaa yayɛ tɛɛ wɔ Faro ne ye mbanyi nyunu, na ɛmɔafa ngrandɛ bawura bɛ sa nu kyɛ behũ yɛ.”

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.