Ɛksadɔso 16:15 - AHYERƐLƐ KRONGRON

¹⁵ Na Yisraelfoɛ nwuni ye sɔ nen, bebisabisale bɛ nwo ngoko ngoko kyɛ, “Nzikyɛ nikyee ɛhe?” Ofikyɛ né bɛnze nikye horɛ. Na Mose sele bɛ kyɛ, “Aleɛ bɔ AWURADE afa ama ɛmɔ kyɛ ɛmɔli hɔ ɛne.

Ɛksadɔso 16:15 Iomraidhean Croise

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Edwein 105:40

Bebisale, na ɔfale ayenzii mɔ brɛle bɛ, na ɔmane bɛ aleɛ fili nyameɛso mane bɛ ko yili.

Edwein 78:24

na ɔtɔle manna kyɛ esue guale bɛ so kyɛ beli, na ɔmane bɛ nyameɛso aleɛ.

Ɛksadɔso 16:31

Yisraelfoɛ frɛle aleɛ ne mana. Né ɔte kyɛ mviɛlɛ, fitaa, na ye fɛɛ te kyɛ apiti bɔ woɛ wɔ nu ɔ.

Ɛksadɔso 16:33

Na Mose sele Aarɔn kyɛ, “Fa talie, ná fa mana olonka ko gua nu; ná fa sie AWURADE nyunu, maa bɛ́fa bésie wɔ ɛmɔ aworɛ ndoatoasoɛ amukoraa nu.”

Ɛksadɔso 16:4

Na AWURADE sele Mose kyɛ, “Ɛ́mɔtie, ngɔma aleɛ kɔtɔ kofi anwuro kogua ase kɔma ɛmɔ. Ɛlɛho biala mmenia ne kofite kɔɔsesa bɔ ɔkɔso bɛ di sɔ kyẽa ne ɔ. Na ɛhe kɔmaa ngonwu ye sɛ bekoli me mmeraa so anaakyɛ bengoli so a.

Anyandera 9:5

“Ɛmɔbra beeli m’aleɛ ne bie, ná ɛ́mɔno me nzaa bɔ mafrafra ne bie.

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Luka 12:30

Ofikyɛ ewiasefoɛ yeɛ bɛdwenedwene ɛhemɔ amukoraa nwo ɔ. Na ɛmɔ Baba se kyɛ ɛmɔhia sɔ nningyein nemɔ.

Yohane 6:49

Ɛmɔ nana mɔ belili mana wɔ ɛserɛ so, na bewuwuli.

Yohane 6:58

Ɛhe ole paanoo bɔ ofi nyameɛso wale ase ne. Bɔ ɛmɔ nana mɔ belili ná bewuwuli ne, nna sɔ yeɛ ɔte ɔ; na paanoo he de, ebiala bɔ odi ne, ɔkɔtena ngoa nu daa.”

1 Korintofoɛ 10:3

Bɛ mukoraa belili sunzum nu aleɛ komapɛ ne ala,

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:3

Ɔmane ɛhɔen huni wɔ fa brɛle wɔ ase, na mana bɔ né ɛnze nikye horɛ, bɔ wɔ nana mɔ koso bɛnze nikye horɛ ne, ɔmane wɔ bie maa elili. Ɔyɔle sɔ, kyɛbɔ ɔkɔmaa ekonwu ye kyɛ, nna aleɛ ngome yeɛ ɔma sona nya ngoa ɔ, na mmom AWURADE noa nu dwirɛ biala yeɛ ɔma sona nya ngoa ɔ.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.

Yosua 5:12

Kyẽa bɔ belili aseɛ ne aso aleɛ ne, mana ne yakyili tɔlɛ, yiti Yisraelfoɛ annya mana ko; na mmom belili Kanaan aseɛ ne aso aleɛ sɔ afoɛ ne.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’