Ɛksadɔso 16:12 - AHYERƐLƐ KRONGRON

¹² “Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 16:12 Iomraidhean Croise

1 Ahemvo 20:28

Nyameɛ sona bie hɔle Yisrael hene berɛ oosele ye kyɛ, “AWURADE nwa: Ɔnate kyɛ Siriafoɛ bahã kyɛ me AWURADE nde mmokaa so Nyameɛ na mmom nnde bɔnza nu Nyameɛ ne ati, yiti ngɔfa ɛlɔen kandinga he amukoraa ngowura wɔ sa, amaa ɛmɔanwu kyɛ me ole AWURADE.”

Edwein 105:40

Bebisale, na ɔfale ayenzii mɔ brɛle bɛ, na ɔmane bɛ aleɛ fili nyameɛso mane bɛ ko yili.

Ɛksadɔso 12:6

Ɛ́mɔfa ye bésie toonn ma odwu bosome he anu kyẽa bɔ ɔtɔ so buru ne nna ne, na afei Yisrael maen ne amukoraa behũhũ bɛ mmoaen ne nɔsoa.

Ɛksadɔso 16:11

Na AWURADE sele Mose kyɛ,

Ɛksadɔso 4:5

Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Ɛksadɔso 7:17

AWURADE nwa nyoo, ‘Bɔ ɔkɔmaa ekonwu ye kyɛ nde AWURADE ɛhe: Tie, ngɔfa pɔmaa bɔ otira me sa nu ne ngofĩ asue Naele nu, na nzue ne kɔkakyi mogya.

Yeremia 31:24

Na akuafoɛ mɔ ne bɛ bɔ bɛfa mmoaen kure bɛkɔ adidie ne, bɛkɔtena Yuda ne ye nguro nemɔ amukoraa so bɛkɔbɔ nu.

Hesekiel 34:30

Na afei bekonwu kyɛ me, AWURADE, bɛ Nyameɛ ne, me ne bɛ yeɛ yɛwɔ berɛ ɔ; na bɛ, Yisrael awuro ama, bɛte me maen, AWURADE Nyameɛ noa dwirɛ ɛne.

Hesekiel 35:13

Ɛmɔfale ɛmɔ noa bɛkekane anwomasoɛ dwirɛ betiale me, ɛmɔkekane edwirɛ pee betiale me, na ndele.

Hesekiel 39:22

Na ofi sɔ kyẽa ne bɔ ɔkɔ ɔ, Yisrael awuro ama konwu kyɛ me ole AWURADE bɛ Nyameɛ.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Numeri 11:4

Mmenia bɔ bɛɛfrafrale Yisraelfoɛ nu ne bɛ komvi wale aleɛ biemɔ aso. Na Yisraelfoɛ sá bɔle awuye kyɛ, “Yɛnyane naen a ahaa yɛkoli!

Numeri 14:27

“Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.