Ɛksadɔso 15:7 - AHYERƐLƐ KRONGRON

⁷ Ɛnate wɔ tumi piri ne aso ɛkã bɛ bɔ bɛko betia wɔ ɔ gua; Ɛsoma wɔ yaa piri ne, na ɔyera bɛ kyɛ ngyɛngyɛma.

Ɛksadɔso 15:7 Iomraidhean Croise

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 59:13

fɛ bɛ so yaa kũkũ bɛ; kũkũ bɛ ma bɛ boso onua. Na ɛhe kɔmaa ofi aseɛ ti kɔka ye ti, mmenia konwu kyɛ Nyameɛ yeɛ odi Yakob so hene ɔ. Sela

Edwein 68:33

Bɔ ɔnate ewienu anwuro anwuro, tetetete nyameɛso ne, ɛ́mɔto ye nwo dwein; ɛ́mɔtie, ye komvi piri ne, ɔbɔ nu kurudududu.

Edwein 83:13

Ao me Nyameɛ, maa bɛyɛ kyɛ atendirehuo, maa bɛyɛ kyɛ afafu bɔ mvrama bɔ ye ɔ.

Ɛksadɔso 14:27

Yiti Mose tengyɛle ye sa wɔ ɛpo ne aso, na aleɛ baahye ne, ɛpo nzue ne sá wale ye boso. Na Misraimfoɛ bɛ́nwati bɛ́kɔ nen, AWURADE hane bɛ guale ɛpo ne anu wɔ asufia.

Ɛksadɔso 5:12

Yiti mmenia ne tele bɛ nwo guale Misraim aseɛ so amukoraa bɛɛboaboale atokoɔ mmakaa wuruwaa noa bɛfa bɛkakyili ɛserɛ.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yesaya 37:17

AWURADE, mesrɛ wɔ, yɛ asoɛ tie me! AWURADE, mesrɛ wɔ, nea, ná tie! Tie edwirɛ amukoraa bɔ Senakeribo ɔkekã ɔ, bɔ wafa wasoma kyɛ bɛfa bɛɛgoro Nyameɛ teasefoɛ nwo ɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yesaya 37:38

Na ɔwale kyɛ, mmerɛ bɔ ɔsɔne wɔ ye nyameɛ Nisroke asɔneyɛɛ so ne, ye mma mmienzua Adramelɛke ne Saresa bɛfale ngrandɛ behuni ye, na bɛnwati bɛhɔle Ararate aseɛ so. Na ɔwa bienzua Esa Hadon lili ye bia.

Yesaya 47:14

Tie, bɛte kyɛ ɛserɛ worowaa, see kɔyera bɛ, bɛngɔhora ngole bɛ nwo ngofi see wuronyiwuronyi ne sa nu, na ɛhe de, nna see bɔ otu sona nwo ɛyerɛ ɛne, yeɛ nna see bɔ bɛtena ye nwo bɛto hɔ ɛne!

Yesaya 5:16

Nakoso Asafo AWURADE de, bɛma ye so wɔ ye ndɛenbualɛ turoloo nu, na Krongronniɛ Nyameɛ ɔda ye krongronyɛlɛ ali wɔ tenenee nu.

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yeremia 10:6

Ao AWURADE, ebiala nne berɛ bɔ ɔte kyɛ wɔ ɔ; ɛte piri, wɔ dumaa te piri, na tumi wɔ nu.

Mika 4:11

Na afei koso, maen maen pee baboa bɛ noa badwɔso batia wɔ. Bɛnwa, “Yɛpena kyɛ ye nwo gua fiɛ, ná yɛbɔ yɛ nye afɔleɛ wɔ Sion amaneɛnwunɛ ne anwo.”

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Sakaria 14:8

Sɔ kyẽa ne, ngoa nzue kɔtengyɛ kofi Yerusalem; ye bue kɔhɔ eyia afiteleɛ ɛpo ne anu, yeɛ ye bue kɔhɔ eyia atɔleɛ ɛpo ne anu; na ɔkɔtengyɛ ahuhuro ne prakasua mmerɛ.

Sakaria 2:8

Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

Deuteronomi 33:26

“Yesurun Nyameɛ ne, nyameɛ biala nne berɛ bɔ ɔte kyɛ ye ɔ, ye yeɛ ɔnate ye tumi piri so fa munungum nu, ná ɔfa ewienu baboka wɔ ɔ.

Deuteronomi 4:24

Ofikyɛ AWURADE wɔ Nyameɛ ne, ɔte see bɔ ɔyera motoo ɔ, Nyameɛ bɔ ɔtwe nungunɛ ɔ.

Hebrifoɛ 12:29

ofikyɛ yɛ Nyameɛ ne te see bɔ ɔyera nikye ɔ.