Ɛksadɔso 15:26 - AHYERƐLƐ KRONGRON

²⁶ Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Ɛksadɔso 15:26 Iomraidhean Croise

1 Ahemvo 11:33

Ofikyɛ Solomon apo me waasɔne Sidonfoɛ bosoen brasua Asetate ɔne Moabofoɛ bosoen Kemose, yeɛ Amonfoɛ bosoen Milkom, na wanni me dwirɛ so. Wanyɔ bɔ ɔtengyɛ wɔ me nye so ɔ, yeɛ wanni m’ahyɛdeɛ ne me nhyehyɛleɛ so kyɛbɔ ye baba Dawide de olili so ne.

1 Ahemvo 11:38

Sɛ ekotie bɔ mahyɛ wɔ ne amukoraa, ɛkɔnate m’atee so, ɛkɔyɔ bɔ ɔtengyɛ wɔ me nye so, ná ekoli m’ahyɛdeɛ ne me mmeraa dwirɛ so, kyɛbɔ me somvoɛ Dawide lili so ne a, ye de ngogyina wɔ si. Na ngɔma wɔ boso ama koli bia ne afebɔɔ kyɛbɔ nyɔ mane Dawide ne, na ngɔmaa ekoli Yisrael so hene.

2 Ahemvo 2:21

Yeɛ Elisa hɔle mbombonzue ne anwo, ohwiele ngyee ne guale nu, na ɔhane kyɛ, “AWURADE nwa nyoo, ‘Mama nzue he ayɛ paa. Ofi ɛnɛ bɔ ɔkɔ ɔ, nzue he, ɔngɔma ebiala ngowu, yeɛ ɔngɔma ebiala ngɔpɔ baa.’ ”

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

2 Ahemvo 22:2

Ɔyɔle bɔ ɔtengyɛ wɔ AWURADE nyunu ɔ, na atee bɔ ye Nana Dawide fale so sole Nyameɛ ne, so ala yeɛ ye koso ɔfale ɔ. Wammakye wamva famaa anaa bɛen.

YOB NWOMAA NE 5:18

Ofikyɛ Nyameɛ bɔ opura sona nen, ye ala yeɛ ɔbɔ so borɛ ɔ; ye bɔ ɔbɔ fɛɛ ne, ye sa yeɛ ɔsa anwonyerɛ ɔ.

Edwein 103:3

Ye yeɛ ɔfa w’amumuyɛɛ amukoraa kyɛ wɔ ɔ, ye yeɛ ɔsa w’anwonyerɛ amukoraa ɔ;

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Edwein 81:9

Onni kyɛ enya nyameɛ foforɛ biala wɔ wɔ nu; nnɛso maenmaensofoɛ nyameɛ biala.

Ɛksadɔso 12:29

Ye abunnamu ne, AWURADE huhuni Misraim aseɛ so bamuɛbaa mmienzua mukoraati, fite Faro bamuɛbaa bienzua bɔ ɔtena ye bia so ɔ so, kodwu sona bɔ bahye ye nnure bawura kuku nu ye bamuɛbaa so, ɔne nyɛmmoa mɔ bɛ bamuɛbaa mɔ so.

Ɛksadɔso 19:5

Na afei de, sɛ ɛmɔkoli me dwirɛ so, ná ɛmɔali m’apam ne aso a, ye de, ɛmɔkɔyɛ me bɔbɔ deinn me deɛ wɔ mmenia mukoraati nu, ofikyɛ aseɛ mukoraati te me deɛ.

Ɛksadɔso 19:6

Ɛmɔkɔyɛ m’asɔfo ahennie maen ɔne maen krongron. Na edwirɛ bɔ ɔsɛ kyɛ ɛkã kyire Yisraelfoɛ hɔ ɛne.”

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 23:25

AWURADE ɛmɔ Nyameɛ yeɛ odi kyɛ ɛmɔsɔne ye ɔ, na ngoyira ɛmɔ aleɛ ne ɛmɔ nzue so, ná maye anwonyerɛ mafi ɛmɔ so.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yesaya 57:18

Manwu ye atee bɔ ɔnate so ɔ, na ngɔsa ye anwonyerɛ, ngɔyɛ ye taataa, ná makyekye ye wora, na ye mmenia bɔ bedi aworabɔlɛ ne, ngɔma bɛ noa dwirɛ kɔyɛ ayɛyelɛ.

Yeremia 11:7

Ofikyɛ mmerɛ bɔ nyele ɛmɔ nana mɔ mvili Misraim aseɛ so mmale ne, mmɔle bɛ kɔkɔ kitii, na mahɔ so mabɔ bɛ kɔkɔ maa waadwu ɛnɛ kyɛ, Ɛ́mɔtie me dwirɛ.

Yeremia 17:24

“ ‘Nakoso AWURADE nwa nyoo: Sɛ ɛmɔtie me dwirɛ nahorɛ nu, ná ɛmɔamva nningyein bamva kuro ye pambim nemɔ anu banwura nu afofikyẽa, na mmom ɛmɔsie afofikyẽa ne krongron, ná ɛmɔanyɔ adwuma biala sɔ kyẽa ne a,

Yeremia 30:17

Ofikyɛ ngɔmaa ekosa kɔte apɔ, yeɛ ngɔma wɔ ngena nemɔ kɔhɔ, AWURADE noa dwirɛ ɛne. Ofikyɛ bɛfrɛle wɔ: Bɔ bapɛ ye asue ɔ. ‘Sion bɔ ebiala mbena ye si atee ɔ!’

Yeremia 33:6

Tie, ngɔma kuro he anwo kɔsande ye ná wate apɔ, na ngɔsa bɛ anwonyerɛ. Na ngɔla asomdwee ne nahorɛlilɛ mmorosoɛ ali ngohyire bɛ.

Yeremia 7:23

Nakoso mmeraa bɔ mva mane bɛ ole kyɛ, ‘Ɛ́mɔtie me dwirɛ, na ngɔyɛ ɛmɔ Nyameɛ, ná ɛmɔ wora ɛmɔayɛ me maen. Na atee amukoraa bɔ nhyehyɛle mmane ɛmɔ ne, so ala yeɛ odi kyɛ ɛmɔfa ɔ, amaa ɔnate so wayie ɛmɔ yé.’

Yeremia 8:22

Aso ayire biala nne Gileade anaa? Aso safoɛ biala nne berɛ anaa? Nzu ati yeɛ me maen awa brasua bennya bɛssale ye anwonyerɛ ye?

Hesekiel 18:5

“Sɛ sona bie tengyɛ, ɔyɔ bɔ ɔte pɛpɛɛpɛ ne bɔ ɔtengyɛ,

Hosea 11:3

Me yeɛ ngyirekyirele Efraim natelɛ ɔ, ngyili ye wɔ me sa so, nakoso né bɛnze kyɛ me yeɛ nzale bɛ anwonyerɛ ɔ.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Lewitikɔso 26:13

Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so kyɛ, mengɔma ɛmɔ ngɔyɛ bɛ nganga ko ne. Mabubu ɛmɔ kɔnnua ná mamaa ɛmɔanate bafa bɛ sa basi bɛ hue.

Lewitikɔso 26:3

“Sɛ ɛmɔdi m’ahyɛdeɛ so, ɛmɔyɛ me mmeraa dwirɛ nwo sotie, ná ɛmɔfa bɛyɔ adwuma nahorɛ nu a,

Numeri 12:13

Na Mose sũ frɛle AWURADE kyɛ, “Ao Nyameɛ, mesrɛ wɔ, sa ye anwonyerɛ.”

Deuteronomi 12:25

Nnɛdi mogya ne, amaa ɔnate so wayie wɔ ne wɔ si ama yé; ofikyɛ ɛyɔ sɔ a, yeɛ né ɛ́yɔ bɔ ɔtengyɛ wɔ AWURADE nyunu ɔ.

Deuteronomi 12:28

Nea kyɛ ekoli edwirɛ bɔ méhyɛ wɔ ne aso ɔ, amaa ɔnate so wayie wɔ ne wɔ si ama mɔ yé afebɔɔ; ofikyɛ ɛyɔ sɔ a, yeɛ né ɛ́yɔ bɔ ɔtengyɛ wɔ AWURADE wɔ Nyameɛ nyunu ɔ.

Deuteronomi 13:18

Nakoso, sana etie AWURADE wɔ Nyameɛ dwirɛ, edi ye mmeraa dwirɛ mukoraati bɔ méhyɛ méma wɔ ɛnɛ ne aso, ná ɛyɔ bɔ ɔtengyɛ wɔ AWURADE wɔ Nyameɛ nyunu koraka.

Deuteronomi 28:27

AWURADE kɔte anwonyerɛ koangɔ hemɔ kogua wɔ so: Misraim mbɔmbɔ, ngena, nyaen ne asee.

Deuteronomi 28:58

“Mmeraa he anu dwirɛ mukoraati bɔ bahyerɛ ye sɔ nwomaa he anu ne, sɛ anni so nahorɛ nu, ná anzuro sɔ animnyam dumaa suronyisuronyi, bɔ ye ole AWURADE wɔ Nyameɛ ne a,

Deuteronomi 28:60

Misraim anwonyerɛ amukoraati bɔ né esuro ne, ɔkɔmaa okosa kɔbɔ wɔ, na bɛkɔyɛ koangɔ.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 7:15

AWURADE kɔbɔ wɔ nwo waen kofi anwonyerɛ amukoraati nwo, na Misraim anwonyerɛ tɛɛ bɔ enwuni ye ne, ɔngɔma nu ko po ngɔbɔ wɔ. Nakoso bɛ bɔ bɛpɔ wɔ ne de, ɔkɔprapra anwonyerɛ nemɔ kogua bɛ so.