Ɛksadɔso 15:25 - AHYERƐLƐ KRONGRON

²⁵ Yiti Mose sũ frɛle AWURADE, na AWURADE hyirele ye bakaa bie. Ogyili bakaa ne tole nzue ne anu, na nzue ne yɛle fɛ. AWURADE yɛle ahyɛdeɛ ne nhyehyɛleɛ mane bɛ wɔ berɛ, na osole bɛ neane wɔ berɛ.

Ɛksadɔso 15:25 Iomraidhean Croise

2 Ahemvo 2:21

Yeɛ Elisa hɔle mbombonzue ne anwo, ohwiele ngyee ne guale nu, na ɔhane kyɛ, “AWURADE nwa nyoo, ‘Mama nzue he ayɛ paa. Ofi ɛnɛ bɔ ɔkɔ ɔ, nzue he, ɔngɔma ebiala ngowu, yeɛ ɔngɔma ebiala ngɔpɔ baa.’ ”

2 Ahemvo 4:41

Yeɛ Elisa sele kyɛ, “Nzaade ɛ́mɔma me esam kãa.” Ɔfa guale turonzemaa ne anu, na ɔhane kyɛ, “Sa bie maa beli.” Na turoo bɔ ɔwɔ turonzemaa ne anu ne, ɛborɔ ne fili nu.

2 Ahemvo 6:6

Yeɛ Nyameɛ sona ne bisale kyɛ, “Nisua yeɛ ɔɔtɔle ɔ?” Ohyirele Elisa nekaa bɔ ɔtɔle ɔ. Elisa pɛle bakaa ofindini tole nekaa bɔ ɔtɔle ne, na ɔmane akumaa ne turuli asue ne anye.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 66:10

Ofikyɛ wɔ, ao Nyameɛ, aso yɛ anea; aso yɛ anea kyɛbɔ bɛpɔ ɛdwetɛ nwo wɔ see nu ɔ.

Edwein 81:7

Esu frɛle me wɔ w’amaneɛnwunɛ nu, na mbepɛ nnele wɔ; nekaa bɔ agralaa wɔ wɔ mvealeɛ nu ne, berɛ yeɛ mmane wɔ mmuayɛɛ, na nzole wɔ neane wɔ Meriba asue anwo. Sela

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 14:10

Na mmerɛ bɔ Faro pingyele bɛ ne, Yisraelfoɛ mane bɛ nye so, na benwuni kyɛ Misraimfoɛ bɛ́po bɛ so; yiti ɛserɛ piri hane Yisraelfoɛ nemɔ, na besu bɛfrɛle AWURADE.

Ɛksadɔso 16:4

Na AWURADE sele Mose kyɛ, “Ɛ́mɔtie, ngɔma aleɛ kɔtɔ kofi anwuro kogua ase kɔma ɛmɔ. Ɛlɛho biala mmenia ne kofite kɔɔsesa bɔ ɔkɔso bɛ di sɔ kyẽa ne ɔ. Na ɛhe kɔmaa ngonwu ye sɛ bekoli me mmeraa so anaakyɛ bengoli so a.

Ɛksadɔso 17:4

Yiti Mose sũ frɛle AWURADE kyɛ, “Nzikyɛ yeɛ nyɔ mma mmenia ye mɔ ɔ? Bɛ́pena bɛboro me nyɔboɛ.”

Ɛksadɔso 20:20

Na Mose buale mmenia ne kyɛ, “Nnɛma ɛmɔsuro, ofikyɛ Nyameɛ awa kyɛ ɔbaaso ɛmɔ nea, amaa ɔnate so ye nwo suronyi atena ɛmɔ nu, ná ɛmɔanyɔ bɔne.”

Anyandera 17:3

Bɛfa bokyea bɛpɔ ɛdwetɛ nwo, yeɛ bɛfa afaa bɛpɔ sikaa kɔkorɛ nwo, nakoso AWURADE yeɛ oso adwene nea ɔ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 9:7

Yiti bɔ Asafo AWURADE kã ɛhe: “Ngɔpɔ bɛ nwo ngoso bɛ ngɔnea, na me maen awa brasua ne ati, nzikyɛ koraa yeɛ nyɔ ɔ?

Hesekiel 47:7

Na nza mmale ne, nwuni mmakaa pee wɔ asue ne noa wɔ ye bue nyɔ ne.

Hesekiel 47:8

Na osele me kyɛ, “Asue he, ɔtengyɛ kɔ eyia afiteleɛ bue nu dɔ okogua Araba ne anu, na ɔtengyɛ kogua ɛpo nu a, ɔsa nzue ne anwonyerɛ.

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

Deuteronomi 13:3

ye de nnɛtie sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne dwirɛ. Ofikyɛ AWURADE ɛmɔ Nyameɛ óso ɛmɔ nea onwu ye kyɛ, aso ɛmɔ ahone mukoraati ne ɛmɔ kra mukoraati yeɛ ɛmɔfa bekuro AWURADE ɛmɔ Nyameɛ dwirɛ ne a.

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

Maenbulɛfoɛ 2:22

Kyɛbɔ ɔkɔyɛ ná AWURADE aso Yisrael wanea, kyɛ aso bekotie ye dwirɛ kyɛbɔ bɛ nana mɔ tiele ne, anaakyɛ bengotie,

Maenbulɛfoɛ 3:1

AWURADE yakyili maen maen biemɔ maa bɛhale aseɛ ne aso, kyɛbɔ ɔkɔfa bɛ so ná Yisraelfoɛ bɔ koɛ ɔttole bɛ le wɔ Kanaan ne, okoso bɛ kɔnea ɔ.

Maenbulɛfoɛ 3:4

AWURADE mane maen nemɔ hale berɛ, amaa ɔnate bɛ so waso Yisrael wanea, sɛ aso ye mmeraa dwirɛ bɔ ɔnate Mose so hyɛle bɛ nana mɔ ne, Yisrael koli so anaa.