Ɛksadɔso 15:17 - AHYERƐLƐ KRONGRON

¹⁷ Ɛkɔfa bɛ kɔwa, ná aabɔ bɛ atenaseɛ wɔ wɔ bɔbɔ wɔ bokaa ne aso, nekaa bɔ afa ayɛ w’atenaleɛ ne, O AWURADE, nekaa krongron bɔ afa wɔ sa asiesie ne, O AWURADE.

Ɛksadɔso 15:17 Iomraidhean Croise

2 Samuel 7:10

Asa koso, ngɔma me maen Yisrael nekaa maa ɔkɔtena. Ngɔbɔ bɛ atenaseɛ wɔ bɛ bɔbɔ b’aseɛ so, bɔ ebiala ngɔha bɛ ko, bɔ amumuyɛɛfoɛ ngɔhyɛ bɛ so ko, kyɛbɔ bɛyɔle ye daa

1 Ahemvo 8:13

Masi sua nyemene paa mama wɔ, nekaa bɔ ɛkɔtena afebɔɔ ɔ.”

Edwein 114:2

Yuda yɛle Nyameɛ nekaa krongron, Yisrael yɛle ye maen bɔ odi so ɔ.

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 44:2

Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Edwein 68:16

Mmokaa ndendenn, nzu ati yeɛ ɛmɔ nye boro bokaa bɔ Nyameɛ kuro kyɛ ɔfa yɛ ye atenaleɛ ne ɔ? Amba, nekaa bɔ AWURADE kɔtena afebɔɔ ne.

Edwein 76:2

Ye tena sua wɔ Salem, na ye atenaleɛ wɔ Sion.

Edwein 80:15

bobe boo bɔ ɛnate wɔ bɔbɔ wɔ tumi so ayɛ ne, ɔne mmaen bɔ afa atindim berɛ ama wɔ nwo ne.

Edwein 80:8

Etuli bobe bo fili Misraim wale, ɛfoane amaen maen mɔ fili aseɛ ne aso, na eluale.

Ɛksadɔso 15:13

Ɛnate w’anwumvoinnwunɛ so ɛyɛle mmenia bɔ ale bɛ ne taataa, na ɛnate w’anwoserɛ so ehyirele bɛ atee maa bɛhɔle nekaa krongron bɔ ɛte ne.

Ɛksadɔso 23:20

“Tie, mésoma abɔfo maa odi wɔ nyunu, maa ɔbɔ wɔ nwo waen fa wɔ kɔ nekaa bɔ masiesie ne.

Ɛksadɔso 25:8

Maa besi nekaa krongron bɛma me, ná matena b’afia.

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Yeremia 31:23

Asafo AWURADE, Yisrael Nyameɛ nwa nyoo, “Sɛ mesa mefa b’agyapadeɛ mewura bɛ sa a, bekosa bɛkɔhã sɔ dwirɛ ne wɔ Yuda aseɛ so ne ye nguro mɔ so kyɛ, ‘Ao tenenee atenaleɛ, ao bokaa krongron, AWURADE oyira wɔ!’

Yeremia 32:41

Amba, ngoli bɛ nwo ahurusi kyɛ ngɔyɛ bɛ paa ɔ, na ngɔfa m’ahone amukoraa ne me kra amukoraa ngolua bɛ maa bɛ bo kotimu wɔ aseɛ he aso.

Hesekiel 37:26

Asa koso, me ne bɛ yɛkɔyɛ asomdwee apam, ɔkɔyɛ me ne bɛ daa apam; ngɔmaa bekotindim, ngɔmaa bɛkɔta pee, na ngɔfa me nekaa krongron ne ngosie bɛ nu afebɔɔ.

Hesekiel 37:28

Na afei maen maen mɔ bekonwu kyɛ me ole AWURADE bɔ mete Yisrael nwo ɔ, mmerɛ bɔ me nekaa krongron ne ogyi bɛ nu afebɔɔ ne.”

Deuteronomi 33:19

Bɛkɔfrɛfrɛ mmenia maa bɛkɔwa bokaa ne aso, berɛ yeɛ bɛbɔ afɔleɛ bɔ ɔsɔ anyeɛ ɔ, ofikyɛ benya bɛ nwo befi ɛpo nu, ɔne agyapadeɛ bɔ bafa bafea anweaa nu ɔ.”

Yosua 22:19

Nakoso, sɛ ɛmɔnea ná efiɛ aha ɛmɔ aseɛ ne a, nzaade ɛ́mɔpɛ asue ne bɛbra AWURADE aseɛ ne aso, nekaa bɔ AWURADE nyianu sua wɔ ne, ná ɛmɔɔfa yɛ aseɛ ne bie. Nnɛma ɛmɔtwi bɛfa AWURADE dwirɛ so, anaa yɛ dwirɛ so, bɔ ɔkɔmaa ɛmɔkosi afɔleɛ bokyea bɛboka AWURADE yɛ Nyameɛ afɔleɛ bokyea ne aso ɔ.