Ɛksadɔso 15:13 - AHYERƐLƐ KRONGRON

¹³ Ɛnate w’anwumvoinnwunɛ so ɛyɛle mmenia bɔ ale bɛ ne taataa, na ɛnate w’anwoserɛ so ehyirele bɛ atee maa bɛhɔle nekaa krongron bɔ ɛte ne.

Ɛksadɔso 15:13 Iomraidhean Croise

Gyenesise 19:16

Nakoso né ɔtwetwe ye bo ase, yiti sɔ mmienzua nyɔ ne sosɔle ye ne ɔye ne ye mma mmrasua nyɔ nemɔ sa, na bɛfale ye befili kuro ne anu, ofikyɛ AWURADE nwuni ye anwumvoin.

2 Samuel 15:25

Na Nana Dawide sele Sadoke kyɛ, “Fa Nyameɛ alaka ne sa kɔ kuro ne anu. Sɛ ebiaa AWURADE nwu me anwumvoin a, ɔkɔmaa ngosa ngɔwa ngoonwu alaka ne, ɔne nekaa bɔ ogyi ɔ.

Nehemia 9:12

Afei koso, ɛfale munungum ningɔnn lili bɛ nyunu eyia, yeɛ ɛfale see ningɔnn lili bɛ nyunu kɔngɔen maa ɔtale maa benwuni ase bɛhɔle nekaa bɔ bɛkɔ ɔ.

Edwein 106:9

Ɔhane Ɛpo Kɔkorɛ ne anyunu maa ɔwewele koraa; olili bɛ nyunu maa bɛfale buma ne anu kyɛ ɛserɛ so ahɔ ɔ.

Edwein 74:2

Kaye wɔ mmenia bɔ ɛtɔle bɛ tetetete ne, bɛ bɔ ɛpɔle bɛ fale bɛ yɛle abusua kure bɔ ɔte w’agyapadeɛ ne. Kaye Sion bokaa bɔ aatena so ne.

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Edwein 78:35

Afei bɛkayele kyɛ Nyameɛ yeɛ ɔte bɛ nyɔbotaen ɔ, na Anwuro Anwuro Nyameɛ yeɛ ɔte bɛ Defoɛ ɔ.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Ɛksadɔso 15:17

Ɛkɔfa bɛ kɔwa, ná aabɔ bɛ atenaseɛ wɔ wɔ bɔbɔ wɔ bokaa ne aso, nekaa bɔ afa ayɛ w’atenaleɛ ne, O AWURADE, nekaa krongron bɔ afa wɔ sa asiesie ne, O AWURADE.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Yesaya 51:10

Ɛpo bɔ ɔte buma kandinga ne anu nzue ne, aso nna wɔ yeɛ ɛmaa ɔwewele ɔ? Aso nna wɔ yeɛ ɛmane ɛpo buma ne abo dɔ kakyili atimbire mane bɛ bɔ aapɔ bɛ ne kyɛ bɛpɛ ye ɔ?

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 2:6

Bammisa kyɛ, ‘AWURADE wɔ nisua? Ye bɔ ɔyele yɛ fili Misraim aseɛ so wale ne, bɔ olili yɛ nyunu fale yɛ fale ɛserɛ so, aseɛ pralaa ne ngumaa aseɛ so, wɔ aseɛ bɔ esue ndɔ wɔ so, bɔ so te awosii kabii ne, aseɛ bɔ ebiala mbɛ nu wɔ so, bɔ ebiala ɔtte so ne.’

Ɛfesofoɛ 2:4

Nakoso Nyameɛ bɔ ye anwumvoinnwunɛ sone ne, ɔnate ye hurolɛ bɔ okuro yɛ dwirɛ pee ne aso

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.