Ɛksadɔso 15:10 - AHYERƐLƐ KRONGRON

¹⁰ Ɛmane wɔ nwomeɛ tuli mvrama, na ɛpo ne fale bɛ; na bɛmonone kyɛ kungumaboɔ wɔ buma ne anu.

Ɛksadɔso 15:10 Iomraidhean Croise

Gyenesise 8:1

Nakoso Nyameɛ lole Nowa ne ngaka ne nyɛmmoa mukoraa bɔ bɛ ne ye wɔ ɛlɛen alaka ne anu. Nyameɛ mane mvrama tu fale aseɛ so, na nzue ne hwene.

2 Samuel 18:8

Koɛ ne trɛ hɔle porɛ ne anu amukoraa. Na mmenia bɔ bewuwuli ɛhɔayeɛ ne anu sɔ kyẽa nen, bɛsone bɛtra bɛ bɔ bɛtotɔle ngrandɛ noa ɔ.

Nehemia 9:11

Na ɛpakyele ɛpo ne anu wɔ bɛ nyunu, amaa ɔnate so bɛfale aseɛ wosee so bɛpɛle ɛpo ne, nakoso mmenia bɔ né bɛfoa yɛ nana mɔ ne de, egyili bɛ guale buma ne anu kyɛ nyɔboɛ bɔ bagyi bagua asue piri nu ɔ.

Edwein 135:7

Ye yeɛ ɔma munungum fi aseɛ noa dɔ kɔ anwuro ɔ; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Edwein 147:18

Ɔsomane ye noa dwirɛ, na ɔmaa behurole, ɔma ye mvrama bɔ, na nzue tengyɛ.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 15:5

Buma ne akata bɛ so, na bamono bahɔ ye bo kyɛ nyɔboɛ.

Anyandera 30:4

Nwa yeɛ wafo wahɔ nyameɛso ná wadwu wawa ɔ? Nwa yeɛ waboaboa mvrama noa wɔ ye sa nu ɔ? Nwa yeɛ ɔfa ɛtena ɔbɔ nzue mɔ nonongu ɔ? Nwa yeɛ wafa aseɛ ye ti ne ye ti amukoraa wasiesie berɛ ɔ? Ye dumaa li sɛɛ, yeɛ ɔwa wora ye dumaa li sɛɛ? Sɛ ɛse a, kã kyire me e!

Yesaya 11:15

Misraim ɛpo ne noa bɔ wadidi wahɔ nu ne, AWURADE kɔwewe ye bɔkɔɔ. Ɔkɔfa ye mvrama hyerɛhyerɛ ne kɔnwaha ye sa wɔ asue Yufreti so, ɔkɔpakyepakye nu maa ɔkɔyɛ asue mmaa mmaa nzoo, bɔ sona pɛ ye a ye gya bo ngɔloa ɔ.

Yeremia 10:13

Ɔma ye komvi so a, esue bobɔ nu wɔ ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Yeremia 46:17

Berɛ yeɛ bɛkɔto Misraim hene Faro dumaa kyɛ, ‘Bɔ ɔyɛ dede mbaen, nakoso mmerɛ ne dwu a, ɔngora nyɛ huu ɔ.’

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Mateo 8:27

Ɔyɛle mmenia nemɔ nwanwa, na bɛhane kyɛ, “Sona beni koraa ɛhe, bɔ mvrama ne ɛpo po betie ye e!”

Deuteronomi 11:4

ɔne bɔ ɔfa yɔle Misraim asraafoɛ, ɔne bɛ mbɔngɔ mɔ ne bɛ teaseɛnam mɔ, kyɛbɔ ɔmane Ɛpo Kɔkorɛ yi fale bɛ, wɔ mmerɛ bɔ né bɛ́po ɛmɔ so ne, ɔne kyɛbɔ AWURADE ahũhũ bɛ maa waadwu ɛnɛ ye;