Ɛksadɔso 15:1 - AHYERƐLƐ KRONGRON

¹ Afei Mose ne Yisraelfoɛ tole edwein he yele AWURADE ayɛ kyɛ, “Ngɔto dwein ngɔye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.

Ɛksadɔso 15:1 Iomraidhean Croise

Nehemia 9:11

Na ɛpakyele ɛpo ne anu wɔ bɛ nyunu, amaa ɔnate so bɛfale aseɛ wosee so bɛpɛle ɛpo ne, nakoso mmenia bɔ né bɛfoa yɛ nana mɔ ne de, egyili bɛ guale buma ne anu kyɛ nyɔboɛ bɔ bagyi bagua asue piri nu ɔ.

YOB NWOMAA NE 36:24

Kaye kyɛ ɛkɔkamvo nningyein bɔ ɔyɔ ɔ, bɔ adasa bɛto ye nwo dwein bɛkamvo ye ne.

Edwein 105:43

Yiti ɔyele ye mmenia fili berɛ wɔ anigye nu, bɛ yeɛ waneanea nu waye bɛ ɔ, na bɛfale edweintolɛ bɛhɔle.

Edwein 106:12

Afei Yisraelfoɛ lele ye dwirɛ ne belili, na bɛtole ye nwo ayɛyelɛ dwein.

Edwein 107:15

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:8

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 32:7

Wɔ yeɛ ɛte m’afealeɛ ɔ, wɔ yeɛ ɛbɔ me nwo waen fi amaneɛ nu ɔ; ɛfa wɔ ngoalelɛ dwein ɛpɛ me nwo yia. Sela

Edwein 76:6

Ao Yakob Nyameɛ, ɛteateane bɛ ne, pɔngɔhanɛniɛ ne ɔne ye pɔngɔ ne, bɛlale berɛ pakayaa.

Edwein 76:7

Nakoso wɔ de, wɔ nwo yɛ suro! Sɛ ɛfɛ yaa a, nwa yeɛ ɔkɔhora wɔ nyunu gyina ɔ?

Ɛksadɔso 14:26

Na AWURADE sele Mose kyɛ, “Tengyɛ wɔ sa wɔ ɛpo ne aso ma nzue ne sá ha bɔ nu, ná obu fa Misraimfoɛ ne bɛ teaseɛnam mɔ ne bɛ pɔngɔhanɛfoɛ so.”

Ɛksadɔso 14:27

Yiti Mose tengyɛle ye sa wɔ ɛpo ne aso, na aleɛ baahye ne, ɛpo nzue ne sá wale ye boso. Na Misraimfoɛ bɛ́nwati bɛ́kɔ nen, AWURADE hane bɛ guale ɛpo ne anu wɔ asufia.

Ɛksadɔso 15:21

Na Miriam surole so kyɛ, “Ɛ́mɔto dwein bɛ́ye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.”

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Anyandera 29:6

Bɔnefoɛ, ye mmeraatolɛ kakyi ngaen kye ye, nakoso teneneeniɛ de, ɔto dwein di ahurusi.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Yeremia 51:21

wɔ yeɛ mefa wɔ mebubu pɔngɔ ne pɔngɔhanɛniɛ nu gɔsɔgɔsɔ ɔ, na wɔ yeɛ mefa wɔ mebubu teaseɛnam ne teaseɛnamhanɛniɛ nu gɔsɔgɔsɔ ɔ;

Hosea 2:17

Ofikyɛ ngɔye Baal mɔ dumaa ngofi ye noa nu, na bɛngɔbɔ bɛ dumaa bɛngɔkaye bɛ ko.

Habakuku 3:18

nakoso me de, ngoli ahurusi wɔ AWURADE nu. Ngɔma me nye kɔgye wɔ me ngoadefoɛ Nyameɛ nu.

Numeri 21:17

Afei Yisrael tole edwein he: “Abura, pu nzue bra! Ɛ́mɔbɔ bele ye so!

Kolosefoɛ 2:15

Olele mbanyililɛ ne tumililɛ bɛ sa nu tumi, na ɔlale bɛ ali pefee wɔ badwa nu, na olili bɛ so ngonim wɔ mmeamudua ne aso.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.