Ɛksadɔso 14:8 - AHYERƐLƐ KRONGRON

⁸ Na AWURADE mane Misraim hene Faro bubuli mmakaa tuale ye so, yiti ɔpole Yisraelfoɛ so, wɔ mmerɛ bɔ né Yisraelfoɛ nate atunu bɛ́kɔ ngonimlilɛ so ɔ.

Ɛksadɔso 14:8 Iomraidhean Croise

Edwein 105:43

Yiti ɔyele ye mmenia fili berɛ wɔ anigye nu, bɛ yeɛ waneanea nu waye bɛ ɔ, na bɛfale edweintolɛ bɛhɔle.

Edwein 86:13

Ofikyɛ wɔ ɔdɔ bɔ onni ngasi bɔ ɛye ye ali kyire me ne, ɔte piri, na apepɛ ale me kra afi ɛborɔ kumaa nu.

Ɛksadɔso 10:27

Nakoso AWURADE mane Faro bubuli mmakaa tuale ye so, na wamma bɛ ate maa bangɔ.

Ɛksadɔso 13:16

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, anaa ngayeɛ wɔ wɔ nwoma so, ofikyɛ AWURADE nate tumi piri so yeɛ ɔyele yɛ fili Misraim ɔ.”

Ɛksadɔso 13:18

Yiti ɛserɛ so atee bɔ ɔkɔ Ɛpo Kɔkorɛ nwo ne, Nyameɛ mane mmenia ne makye fale so. Na Yisraelfoɛ tu fili Misraim aseɛ so bɛhɔle kyɛ mmenia bɔ bɛ́kɔ koɛ ɔ.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 14:17

Me de, ngɔma Misraimfoɛ kobubu mmakaa kotua bɛ so, amaa ɔnate so bapo Yisraelfoɛ so. Na ɔnate Faro ne ye asraafoɛ amukoraa so, ye teaseɛnam mɔ ne ye pɔngɔhanɛfoɛ so, ngɔhyɛ me nwo animnyam.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 14:7

Ɔfale teaseɛnam paa paa ɛyaa nzia, ɔne Misraim teaseɛnam amukoraati, bɔ né safohene mɔ tete ye mukoraa nu ɔ.

Ɛksadɔso 15:9

Pɔfoɛ ne hane kyɛ, ‘Ngɔpo bɛ so, ngɔɔto bɛ, ngɔhyɛ koɛ nu nzesadeɛ ne, na me kra ko koyi. Ngɔhwe me ngrandɛ, na me sa kɔma bɛ boso konua.’

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 9:12

Nakoso AWURADE mane Faro bubuli mmakaa tuale ye so, na wandɛ bɛ so, kyɛbɔ AWURADE ha hyirele Mose ne ala.

Awuye 3:65

Ma bɛ wora ɔbɔ, ná wɔ ɛnomalɛ ne ɔbra bɛ so.

Lewitikɔso 26:13

Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so kyɛ, mengɔma ɛmɔ ngɔyɛ bɛ nganga ko ne. Mabubu ɛmɔ kɔnnua ná mamaa ɛmɔanate bafa bɛ sa basi bɛ hue.

Numeri 33:3

Bosome bɔ oli moa, ye kyẽa bɔ ɔtɔ so buru ne nnu ne, besili nu befili Ramese. Belili Abɔtra ne, ye alehyeleɛ, Yisraelfoɛ sili bɛ hue betuli bɛ bo, bɔ né Misraimfoɛ nye tua bɛ ɔ.

Asomafoɛ 13:17

Yisrael Nyameɛ neaneane nu yele yɛ nana mɔ, na ɔyɛle bɛ mmeni titire wɔ mmerɛ bɔ né bɛte amanvrafoɛ wɔ Misraim aseɛ so ne. Nyameɛ nate ye tumi piri so yele bɛ fili Misraim,

Deuteronomi 26:8

Yiti AWURADE nate tumi piri ne tumi asaa so, tumi nnwumaa, nzɛngyerɛnneɛ ne anwanwadeɛ so yele yɛ fili Misraim.

Deuteronomi 32:27

Nakoso né mesuro kyɛ pɔfoɛ ne kɔfa kɔhoahoa ye nwo, ofikyɛ ebiaa né bɛ pɔfoɛ mɔ ande bɔ meyɔ ne abo, na bɛkɔhã kyɛ, ‘Yali ngonim; nna AWURADE yeɛ ɔyɔle sɔ nningyein he amukoraati ɔ.’

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

Maenbulɛfoɛ 4:7

Na ngɔtwetwe Yabin ye safohene Sisera maa ɔne ye teaseɛnam mɔ ne ye koɛhonɛfoɛ mɔ bekooyia wɔ wɔ Kison bɔnza ne anu; afei ngɔfa ye ngowura wɔ sa.’ ”