Ɛksadɔso 14:7 - AHYERƐLƐ KRONGRON

⁷ Ɔfale teaseɛnam paa paa ɛyaa nzia, ɔne Misraim teaseɛnam amukoraati, bɔ né safohene mɔ tete ye mukoraa nu ɔ.

Ɛksadɔso 14:7 Iomraidhean Croise

Gyenesise 50:9

Teaseɛnam mɔ ne pɔngɔhanɛfoɛ bokale ye so bɛ ne ye hɔle; né ɛlɔen ne te piri paa.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 68:17

Nyameɛ ye teaseɛnam mɔ bɛte apee aburanyɔ sɔ alaa buburugyaa, AWURADE boka bɛ so, kyɛbɔ ɔboka bɛ so wɔ Sinai, nekaa krongron berɛ ne.

Ɛksadɔso 14:23

Misraimfoɛ pole bɛ so. Faro mbɔngɔ mɔ, ye teaseɛnam ne ye pɔngɔhanɛfoɛ amukoraa belili bɛ si bɛhɔle ɛpo ne afia.

Ɛksadɔso 14:6

Yiti osiesiele ye teaseɛnam, na ɔfale ye asraafoɛ bokale ye nwo so.

Ɛksadɔso 14:8

Na AWURADE mane Misraim hene Faro bubuli mmakaa tuale ye so, yiti ɔpole Yisraelfoɛ so, wɔ mmerɛ bɔ né Yisraelfoɛ nate atunu bɛ́kɔ ngonimlilɛ so ɔ.

Ɛksadɔso 15:4

Ogyili Faro teaseɛnam mɔ ne ye asraafoɛ guale ɛpo nu; na Ɛpo Kɔkorɛ afa ye koɛhonɛfoɛ atitire nemɔ.

Yesaya 37:24

Ɛnate wɔ somvoɛ mɔ so agoro AWURADE nwo, na ahã kyɛ, Mafa me teaseɛnam pee nemɔ mafo mahɔ mmokaa nemɔ bɛ ti afia, mahɔ Lebanon ɛhɔayeɛ ne anu dɔ paa. Ye sida ndendenn paa nemɔ, ɔne ye ɛframmire nyemenenyemene nemɔ, mabubu bɛ magua. Mahɔ bokaa ne ti afia dɔ paa, ɔne ye ɛhɔayeɛ too ne anu.

Maenbulɛfoɛ 4:15

Na AWURADE mane ahunundetelɛ tɔle Sisera so, ɔne ye teaseɛnamhanɛfoɛ amukoraa so, yeɛ ye koɛhonɛfoɛ amukoraa so wɔ Barake nyunu. Sisera dwu fili ye teaseɛnam ne aso nwatili ye gya kunu.

Maenbulɛfoɛ 4:3

Na Yisraelfoɛ sũ frɛle AWURADE kyɛ ɔɔpepɛ le bɛ. Ofikyɛ né Sisera le buralɛ teaseɛnam ɛyaa ngona, yeɛ afei né wahyɛ Yisraelfoɛ so yeayea afoɛ aburanyɔ.