Ɛksadɔso 14:4 - AHYERƐLƐ KRONGRON

⁴ Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 14:4 Iomraidhean Croise

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 10:27

Nakoso AWURADE mane Faro bubuli mmakaa tuale ye so, na wamma bɛ ate maa bangɔ.

Ɛksadɔso 12:28

Na Yisraelfoɛ mɔ hɔle bɛɛyɔle sɔ, kyɛbɔ AWURADE hyɛle Mose ne Aarɔn ne ala.

Ɛksadɔso 14:23

Misraimfoɛ pole bɛ so. Faro mbɔngɔ mɔ, ye teaseɛnam ne ye pɔngɔhanɛfoɛ amukoraa belili bɛ si bɛhɔle ɛpo ne afia.

Ɛksadɔso 14:25

Ɔmane bɛ teaseɛnam nemɔ gya sɛkyesɛkyele bɔ né bɛngora ndɛ kɔ ɔ. Yiti Misraimfoɛ sele kyɛ, “Ɛ́mɔma yɛ́nwati yɛ́fi Yisraelfoɛ mɔ nwo wa, ofikyɛ AWURADE gyi bɛ si ɔko tia Misraim.”

Ɛksadɔso 14:3

Ofikyɛ Faro kɔha kɔfa Yisraelfoɛ nwo kyɛ, ‘Baaha aseɛ ne aso, na ɛserɛ ne amaa basota berɛ.’

Ɛksadɔso 14:5

Mmerɛ bɔ bɛha behyirele Misraim hene kyɛ mmenia nemɔ anwati nen, ɔne ye mbanyi mɔ benyane adwene foforɛ wɔ mmenia nemɔ anwo, na besele kyɛ, “Nzikyɛ nikye yeɛ yayɔ ye, bɔ yama Yisraelfoɛ ayakyi yɛ solɛ ná bahɔ ye?”

Ɛksadɔso 14:8

Na AWURADE mane Misraim hene Faro bubuli mmakaa tuale ye so, yiti ɔpole Yisraelfoɛ so, wɔ mmerɛ bɔ né Yisraelfoɛ nate atunu bɛ́kɔ ngonimlilɛ so ɔ.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Ɛksadɔso 7:17

AWURADE nwa nyoo, ‘Bɔ ɔkɔmaa ekonwu ye kyɛ nde AWURADE ɛhe: Tie, ngɔfa pɔmaa bɔ otira me sa nu ne ngofĩ asue Naele nu, na nzue ne kɔkakyi mogya.

Ɛksadɔso 7:3

Nakoso ngɔma Faro kɔyɛ asobrakyeɛ. Ɔwɔ nu kyɛ ngɔma me nzɛngyerɛnneɛ ne anwanwadeɛ kɔsone pee wɔ Misraim aseɛ so de,

Ɛksadɔso 7:5

Na sɛ metengyɛ me sa wɔ Misraim so, ná meye Yisraelfoɛ mefi bɛ nu a, Misraimfoɛ konwu kyɛ me ole AWURADE.”

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Hesekiel 28:22

Kã kyɛ, ‘AWURADE Nyameɛ nwa nyoo, “O Sidon, tie, meko metia wɔ, na m’animnyam kɔla ali wɔ wɔ nu. Na sɛ metwe ye so, ná mema me krongronyɛlɛ da ali wɔ ye nu a, ye de bekonwu kyɛ me ole AWURADE.

Hesekiel 32:15

Na mmerɛ bɔ ngɔsɛkye Misraim aseɛ ne pasaa, bɔ ngɔsɛkye aseɛ ne aso nikyee biala maa ɔkɔla berɛ mbaen, bɔ ngohũhũ bɛ bɔ bɛte so amukoraa ne, yeɛ afei bekonwu kyɛ me ole AWURADE ɔ.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Hesekiel 39:13

Aseɛ ne aso ama mukoraa kosie bɛ, na ɔkɔyɛ dumaa paa kɔma bɛ wɔ kyẽa bɔ ngɔla m’animnyam ali ne, AWURADE Nyameɛ noa dwirɛ ɛne.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Romanfoɛ 11:8

kyɛbɔ bahyerɛ kyɛ, “Nyameɛ ama bɛ adwene bɔ wala ɔ, anyeɛ bɔ onnwu nikye ɔ, asoɛ bɔ ɔnde dwirɛ ɔ maa waadwu ɛnɛ kyẽa ye.”

Romanfoɛ 9:17

Na ɛhe ati yeɛ Ahyerɛlɛ ne sele Faro kyɛ, “Mapagya wɔ, kyɛbɔ ngɔfa wɔ so ngɔma me tumi kɔla ali wɔ wɔ nu, ná babɔ me dumaa wɔ aseɛ so amukoraa ɔ.”

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

Maenbulɛfoɛ 4:7

Na ngɔtwetwe Yabin ye safohene Sisera maa ɔne ye teaseɛnam mɔ ne ye koɛhonɛfoɛ mɔ bekooyia wɔ wɔ Kison bɔnza ne anu; afei ngɔfa ye ngowura wɔ sa.’ ”