Biblia Todo Logo
Bìoball air-loidhne

- Sanasan -




Ɛksadɔso 14:31 - AHYERƐLƐ KRONGRON

31 Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Faic an caibideil Dèan lethbhreac




Ɛksadɔso 14:31
18 Iomraidhean Croise  

Koɛhonɛfoɛ nemɔ dwɔsole ngyerɛmɔ tutuutu bɛhɔle Tekoa ɛserɛ ne aso. Bɛkɔ ne, Yehosafate dwɔsole sele kyɛ, “Yuda ne Yerusalemfoɛ, ɛ́mɔtie me! Ɛ́mɔle AWURADE ɛmɔ Nyameɛ ne beli, na okoyie ɛmɔ yé. Ɛ́mɔle ye ngɔmhyɛlɛfoɛ ne beli.”


“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.


Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.


Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.


Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.


Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.


Na Yudafoɛ nemɔ anu pee bɔ bɛwale Maria berɛ, ná benwuni bɔ Yesu yɔle nen, belele ye belili.


Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.


Simɔn bɔbɔ po lele Yesu Kristo lili, na bɛbɔle ye asu beyiele ne, wande ye nwo wamvi Filipo nwo; na onwuni anwanwadeɛ ne nzɛngyerɛnneɛ bɔ né Filipo yɔ nen, ye nwo dwirili ye.


Mose de, olili nahorɛ wɔ Nyameɛ awuro mukoraa nu kyɛ somvoɛ, na olili nningyein bɔ né Nyameɛ baahã ye nwo dwirɛ ne nwo adanzeɛ.


Yisraelfoɛ sũ frɛle AWURADE, na ɔfale awosii kabii tole ɛmɔ ne Misraimfoɛ b’afia. Ɔmane ɛpo oobu fale bɛ so katale bɛ so; na ɛmɔ nye nwuni nikyee bɔ mva nyɔle Misraim ɔ. Na ɛhe asi ne, ɛmɔtenane ɛserɛ so bɛhyɛle.


Sɔ kyẽa ne, AWURADE yɛle Yosua sona bɔ odi mu wɔ Yisraelfoɛ amukoraa bɛ nyunu, na bebuli ye wɔ mmerɛ amukoraa bɔ né ɔte ngoa nu ɔ, kyɛbɔ bebuli Mose nen.


AWURADE yɔle sɔ, kyɛbɔ aseɛ so mmenia mukoraati konwu ye kyɛ AWURADE le tumi ɔ, amaa ɔnate so ɛmɔasuro AWURADE ɛmɔ Nyameɛ mmerɛ biala.”


Yiti ɛmɔɔgyina wa bɛnea sɔ anwanwadeɛ he bɔ AWURADE baayɔ ma ɛmɔ nye nwu ye ɔ.


Yiti Samuel srɛle AWURADE, na AWURADE mane agralaa tetele, yeɛ ɔmane esue koso tɔle sɔ kyẽa ne ala. Na maen ne amukoraati surole AWURADE ne Samuel paa.


Lean sinn:

Sanasan


Sanasan