Ɛksadɔso 14:30 - AHYERƐLƐ KRONGRON

³⁰ Yiti AWURADE lele Yisraelfoɛ fili Misraimfoɛ sa nu sɔ kyẽa ne; na Yisraelfoɛ nwuni Misraimfoɛ kyɛ bawuwu bagua mboanoa berɛ.

Ɛksadɔso 14:30 Iomraidhean Croise

2 Aberɛso Dwirɛ 32:22

Yiti AWURADE pepɛ lele Hesekia ne Yerusalemfoɛ fili Asiria hene Senakeribo ne bɛ pɔfoɛ amukoraa bɛ sa nu. AWURADE bɔle bɛ nwo waen wɔ nekaa biala.

Edwein 106:10

Yiti ɔpepɛ lele bɛ fili mmenia bɔ bekyi bɛ ɔ nemɔ sa nu, na olele bɛ fili pɔfoɛ nemɔ sa nu.

Edwein 106:8

Nakoso ɔnate ye dumaa ti, ɔpepɛ lele bɛ, amaa ɔnate so wala ye tumi kandinga ne ali.

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Edwein 59:10

Ɔnate me Nyameɛ ɔdɔ bɔ onni ngasi ne ati, ɔkɔɔboka me; me Nyameɛ koli me pɔfoɛ mɔ so ngonim maa ngonwu ye.

Edwein 91:8

Wɔ nye mbaen yeɛ ɛkɔfa kɔnea ɔ, na ekonwu bɔnefoɛ b’akatuaa.

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Yesaya 63:11

Na afei ɔkayele daa tete mmerɛ ne, Mose ne ye maen, na obisale kyɛ, Ye bɔ ɔyele bɛ fili ɛpo nu, bɔ ɔte ye mmoaen so neafoɛ ne, ɔwɔ nisua? Ye bɔ ɔfale ye Sunzum krongron ne ɔɔtenane bɛ nu ne, ɔwɔ nisua?

Yesaya 63:8

Ofikyɛ ɔnwa: ‘Nahorɛ nu, bɛte me maen, mmaa bɔ bɛngɔpɛ ngondombo ɔ,’ na ɔyɛle bɛ Ngoadefoɛ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Yuda 1:5

Ɔwɔ nu kyɛ ɛmɔse ɛhemɔ dada de, nakoso mepena kyɛ mebɔ ɛmɔ so, kyɛ Awurade bɔ olele maen ne fili Misraim aseɛ so ne, nziɛ ye, ohuhuni bɛ bɔ banne banni ne.

Maenbulɛfoɛ 10:11

Na AWURADE sele Yisraelfoɛ kyɛ, “Aso manne ɛmɔ mamvi Misraimfoɛ, Amorifoɛ, Amonfoɛ ne Filistifoɛ bɛ sa nu?

1 Samuel 11:13

Nakoso Sɔɔlo buale kyɛ, “Yɛngohu sona biala ɛnɛ kyẽa ye, ofikyɛ ɛnɛ te kyẽa bɔ AWURADE apepɛ ale Yisrael ɔ.”

1 Samuel 14:23

Yiti AWURADE mane Yisrael lili ngonim sɔ kyẽa ne. Bɛhone toonn beedwuli Bete Awen si dɔ.