Ɛksadɔso 14:28 - AHYERƐLƐ KRONGRON

²⁸ Nzue ne ha tuale, na ɔfale teaseɛnam nemɔ, pɔngɔhanɛfoɛ nemɔ, ɔne Faro ɛlɔen amukoraa bɔ bɛpole Yisraelfoɛ so wɔ ɛpo ne anu ne. Bɛ nu ko po anga.

Ɛksadɔso 14:28 Iomraidhean Croise

Gyenesise 50:9

Teaseɛnam mɔ ne pɔngɔhanɛfoɛ bokale ye so bɛ ne ye hɔle; né ɛlɔen ne te piri paa.

Gyenesise 7:18

Nzue ne hɔle so yili paa wɔ aseɛ so, na ɛlɛen alaka ne turuli so wɔ nzue ne anyeso.

2 Aberɛso Dwirɛ 20:24

Yudafoɛ beedwuli ɛserɛ ne aso abandenden ne anwo ne, bɛtole bɛ nye bɛneane ɛlɔen ne, na benwuni efuin ngome kyɛ begua aseɛ ne aso ɔ. Bɛ nu ko po wanya ye ti wannidi nu.

Nehemia 9:11

Na ɛpakyele ɛpo ne anu wɔ bɛ nyunu, amaa ɔnate so bɛfale aseɛ wosee so bɛpɛle ɛpo ne, nakoso mmenia bɔ né bɛfoa yɛ nana mɔ ne de, egyili bɛ guale buma ne anu kyɛ nyɔboɛ bɔ bagyi bagua asue piri nu ɔ.

Edwein 106:22

bɔ ɔyɔle anwanwadeɛ wɔ Ham aseɛ so ne, ɔne nningyein suronyisuronyi wɔ Ɛpo Kɔkorɛ nwo ne.

Edwein 136:15

nakoso Faro ne ye lɔen de, ɔhane bɛ guale Ɛpo Kɔkorɛ ne anu, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 78:53

Olili bɛ nyunu wɔ asomdwee nu ma yiti banzuro, nakoso bɛ pɔfoɛ mɔ de, ɛpo ne bu fale bɛ so.

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Ɛksadɔso 15:10

Ɛmane wɔ nwomeɛ tuli mvrama, na ɛpo ne fale bɛ; na bɛmonone kyɛ kungumaboɔ wɔ buma ne anu.

Ɛksadɔso 15:19

Mmerɛ bɔ Faro mbɔngɔ mɔ, ye teaseɛnam mɔ ne ye pɔngɔhanɛfoɛ hɔle ɛpo ne anu nen, AWURADE mane ɛpo nzue ne sale ye si oobu fale bɛ so; nakoso Yisraelfoɛ de, bɛfale aseɛ wosee so wɔ ɛpo ne afia.

Habakuku 3:13

Efite hɔle kyɛ ɛfa ngoalelɛ brɛ wɔ maen, kyɛ ɛfa brɛ wɔ sona bɔ apopa ye ngoo ne. Nzɛmmɔneniɛ n’awuro ne aso panyi ne, ɛpɛkyɛle ye, na ɛmane ye nwo lale so fi ye gya bo kodwu ye ti so.

Deuteronomi 11:4

ɔne bɔ ɔfa yɔle Misraim asraafoɛ, ɔne bɛ mbɔngɔ mɔ ne bɛ teaseɛnam mɔ, kyɛbɔ ɔmane Ɛpo Kɔkorɛ yi fale bɛ, wɔ mmerɛ bɔ né bɛ́po ɛmɔ so ne, ɔne kyɛbɔ AWURADE ahũhũ bɛ maa waadwu ɛnɛ ye;

Hebrifoɛ 11:29

Ɔnate gyidie so yeɛ Yisraelfoɛ pɛle Ɛpo Kɔkorɛ ne kyɛ bɛnate etii so ɔ, nakoso Misraimfoɛ yɛle kyɛ bɛpɛ ye bie nen, asue ne fale bɛ hɔle.

Maenbulɛfoɛ 4:16

Barake foane teaseɛnam nemɔ ne koɛhonɛfoɛ nemɔ alaa oodwuli Harosete Hagoyim. Sisera koɛhonɛfoɛ ne amukoraa bɛtotɔle ngrandɛ noa bɔ komapɛ po anga ɔ.