Ɛksadɔso 14:26 - AHYERƐLƐ KRONGRON

²⁶ Na AWURADE sele Mose kyɛ, “Tengyɛ wɔ sa wɔ ɛpo ne aso ma nzue ne sá ha bɔ nu, ná obu fa Misraimfoɛ ne bɛ teaseɛnam mɔ ne bɛ pɔngɔhanɛfoɛ so.”

Ɛksadɔso 14:26 Iomraidhean Croise

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Ɛksadɔso 14:16

Ma wɔ pɔmaa ne aso, ná tengyɛ wɔ sa ɛpo ne aso ma nu hyɛ nyɔ, amaa ɔnate so Yisraelfoɛ afa aseɛ wosee so bapɛ ɛpo ne.

Ɛksadɔso 15:1

Afei Mose ne Yisraelfoɛ tole edwein he yele AWURADE ayɛ kyɛ, “Ngɔto dwein ngɔye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.

Ɛksadɔso 15:4

Ogyili Faro teaseɛnam mɔ ne ye asraafoɛ guale ɛpo nu; na Ɛpo Kɔkorɛ afa ye koɛhonɛfoɛ atitire nemɔ.

Ɛksadɔso 7:19

Na AWURADE sele Mose kyɛ, “Ka kyire Aarɔn kyɛ, ‘Fa wɔ pɔmaa ne, ná tengyɛ wɔ sa wɔ Misraim nzue mɔ so: b’asue mbiri mɔ, Naele sa mɔ, b’abura mɔ ne b’ɛkwaa mukoraa so ma bɛkakyi mogya. Misraim aseɛ ne aso mukoraa kɔyɛ mogya, bua ne angora mɔ anu po.’ ”

Ɛksadɔso 8:5

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ sa, ná fa wɔ pɔmaa ne kyire asue mbiri mɔ so, asue Naele sa mɔ so, ɔne ɛkwaa mɔ so, ná ma mborohyɛen yɛ Misraim aseɛ so amukoraa manyamanya!’ ”

Yesaya 11:16

Yiti ye mmenia ngaa bɔ baha ne, atimbire kɔla berɛ kofi Asiria kɔma bɛ, kyɛbɔ ɔlale berɛ mane Yisrael mmerɛ bɔ ofili Misraim aseɛ so wale ne.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Mateo 8:27

Ɔyɛle mmenia nemɔ nwanwa, na bɛhane kyɛ, “Sona beni koraa ɛhe, bɔ mvrama ne ɛpo po betie ye e!”

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”